Monday, February 20, 2017

ရေပေါ်အုတ်


 ဒီလိုရေးဖြစ်ဖို့ ကို Soe Thura Tun ကို ကျေးဇူးတင်ရတော့မှာပဲ ...
ခေါင်းထဲမှာ စာတွေမျိုးစုံရေးဖို့ အကြောင်းအရာတွေစီနေပေမယ့် ထူးအိမ်သင် (ကိုငှက်) ပြောသလို စိတ်ထဲမှာ အကြည်ဓါတ်ခမ်းခြောက်နေတဲ့အခါ ဘာမှမရေးဖြစ်တော့ဘူးဆိုတာလိုပဲ ရေးချင်ပေမယ့် စိတ်ထည့်လို့မရတဲ့အခါက များနေတယ် ...
ကျနော် “အုတ်ကိစ္စ” https://web.facebook.com/dominance.kozin/posts/1142152532472459 ဆိုတဲ့ ခေါင်းစဉ်နဲ့ မကြာခင်က ရေးဖူးတယ် ...
အဓိကထောက်ပြချင်တာကတော့ မီးဖုတ်အုတ်ဟာ သစ်တောသစ်ပင်တွေကို ဆုံးရှုံးစေပြီး အဖိုးတန်တဲ့စိုက်ပျိုးမြေတွေကိုလည်း ပျက်စီးစေတယ်ဆိုတာ နောက်ပြီး လူမှုဘဝပတ်ဝန်းကျင်ကိုလည်း အထိုက်အလျောက်ထိခိုက်တာပဲဆိုတာ ...

(All Credit to original writer, facebook မှ ကူးယူဖော်ပြပါသည်။)

အဲဒီလိုရေးတဲ့အောက်မှာ ကိုစိုးသူရထွန်းရဲ့ ကွန်မန့်တွေက ကျနော့်ကို ဒီစာရေးဖို့ အများကြီးတွန်းအားပေးခဲ့တယ် ...
ဖုန်းနဲ့တစ်မျိုး မက်ဆေ့ကတဖုံ ကျနော်သိချင်တဲ့ ရေပေါ်အုတ်လုပ်နည်းတွေ စိတ်ရှည်လက်ရှည်နဲ့ အချိန်အများကြီးပေးပြီးရှင်းပြတဲ့အပြင် သဘာဝပတ်ဝန်းကျင်ထိန်းသိမ်းရေးအတွက်လည်း အကျိုးရှိတာမို့ ဒီအကြောင်းမိတ်ဆက်ရေးမယ်လို့ စိတ်ထဲမှာတေးထားလိုက်တယ် ...
ဒါပေမယ့် လက်မရောက်ဘူး ...

တလောလေးက ကွမ်းခြံကုန်းဖက်သွားမယ့်အကြောင်းဖန်လာတော့ ရန်ကုန်ရောက်ရင် ကိုစိုးသူရထွန်းဆီဝင်ပြီး ရေပေါ်အုတ်လုပ်နည်းကို ကိုယ်တိုင်ကိုယ်ကျလေ့လာမယ် ... ဓါတ်ပုံတွေရိုက်မယ် ... လေ့လာဖို့လိုမယ့် အချက်အလက်တွေလည်း ထပ်တောင်းမယ်လို့ ရည်ရွယ်ထားပေမယ့် အကြောင်းမသင့်ပြန်ဘူး ... လာခဲ့ပါ ... နည်းပညာလည်း အကူအညီပေးမယ် ... လုပ်ငန်းလမ်းညွှန်လည်းချပြမယ် ... စက်ပစ္စည်းတွေရဖို့လည်း လမ်းညွှန်ပေးမယ်ဆိုထားပေမယ့် မရောက်ပြန်ဘူး ... ဒီအုတ်လုပ်ငန်းကို ကျနော်ထူထောင်ဖို့မဟုတ်ပေမယ့် လုပ်ငန်းလုပ်ကိုင်လိုသူတွေ ဈေးကွက်အသစ် နည်းပညာအသစ်တွေနဲ့ မိတ်ဆက်ပေးမယ့်သူဆီသွားလေ့လာပြီး အကြောင်းအရာစုံစုံစေ့စေ့ရေးမယ်လို့ ရည်စူးခြင်းသာ ...

ဒါက Cellular Lightweight Concrete Bricks သို့တည်းမဟုတ် မြန်မာလို ရေပေါ်အုတ်အကြောင်းပါပဲ ...
အဲဒီကွန်ကရစ်အုတ်ဟာ ရေပေါ်မှာ ပေါလောပေါ်တယ် ... မီးဖုတ်မြေအုတ်တွေလိုပဲ ခိုင်ခံ့မာကြောတယ် ... ရေရှည်ခံတယ် ... မီးလောင်ဒဏ်ကို ခံနိုင်ရည်ရှိတယ် ... ဆူညံသံတွေကိုလျော့ကျစေပြီး အသံကိုလုံစေတယ် ... အထပ်မြင့်အဆောက်အဦတွေအားလုံးမှာ သုံးနိုင်တယ် ... ရာသီမရွေးအုတ်ထုတ်လုပ်နိုင်တယ် ... ဆောက်လုပ်ရေးလုပ်နေတဲ့နယ်မြေအတွင်းမှာပဲ အုတ်ကိုလိုသလိုထုတ်နိုင်တယ် ... တနည်းအားဖြင့် အုတ်လုပ်မယ့်စက်တွေကို သယ်ယူရွှေ့ပြောင်းသွားနိုင်တယ် ... စက်တွေဆိုလို့ အထင်မကြီးနဲ့ ရောမွှေစက် Mixer ရယ်၊ Foam generator (အမြှပ်ထုတ်စက်) ရယ်၊ လေတွန်းစက် Air compressor ၂ ကောင်အားရယ်၊ Foam agent (အမြှပ်ထုတ်ဖို့သုံးတဲ့ ပရိုတိန်း) ရယ်၊ ပုံစံခွက် Mold ရယ် ... ဒါပဲ ... တန်ဖိုးလည်းနည်းတယ် ... ကိုယ့်ဒေသ ကိုယ့်ပတ်ဝန်းကျင်မှာ လုပ်ငန်းသစ်တစ်ခုကို တည်ထောင်လိုသူတွေ ထိုက်သင့်တဲ့အရင်းအနှီးတစ်ခုနဲ့ လုပ်ငန်းတစ်ခု ထူထောင်နိုင်မယ် ... အသေးစားအလတ်စားစီးပွားရေးလုပ်ငန်းကို ထူထောင်နိုင်မယ် …


ဒီ ရေပေါ်အုတ်က အိန္ဒိယနဲ့ အာဖရိကလို သစ်တောသစ်ပင်လောင်စာရှားပါးလှတဲ့နိုင်ငံတွေမှာ သုံးစွဲနေတာကြာပြီ ... မြန်မာပြည်မှာ ခေတ်စားလာတာကတော့ ဒီကနေ့လက်တွေ့အခြေအနေနဲ့ကိုက်ညီပြီလို့ ယူဆလာကြတဲ့ လုပ်ငန်းရှင်တွေ စွန့်ဦးလုပ်ငန်းအနေနဲ့ စလုပ်နေကြပြီ ... ဒါပေမယ့် လူသိနည်းနေသေးတယ် ... လူသိနည်းပေမယ့် ကိုစိုးသူရထွန်းကတော့ လေ့လာလုပ်ကိုင်နေတာ ၅ နှစ်နီးပါးရှိပြီ ... သူလည်းစိုက်ပျိုးရေးသမား ... သဘာဝပတ်ဝန်းကျင်ကိုလည်း ထိန်းသိမ်းချင်တဲ့သူ ... ဒါကြောင့် မီးဖုတ်ဖို့မလိုဘဲ မီးဖုတ်အုတ်ကိုစိန်ခေါ်နိုင်တဲ့ ရေပေါ်အုတ်ကို လူအများသိစေချင်တယ် ... နည်းပညာ၊ စက်ပစ္စည်းနဲ့လုပ်ငန်းအတွက် သူသိသလောက်မျှဝေချင်တယ် ...

ရေပေါ်အုတ်လုပ်နည်းက ရိုးစင်းတယ် ...
ပရိုတိန်းအမြှုပ်ထုတ်စက်ကနေရလာတဲ့ အမြှုပ်ရည်ကို သဲ၊ ဘိလပ်မြေ၊ ရေတို့နဲ့ ရောမွှေစက်ထဲမှာ အချိုးအဆမှန်မှန်ရောစပ်လိုက်ရင် ကွန်ကရစ်အမြှုပ်ရည်ကို ရတော့တာပဲ ... အဲဒါကို အသင့်လုပ်ထားတဲ့ ပုံစံခွက်ထဲထည့်ပြီး ၂၄ နာရီကြာအောင် အခဲခံထားလိုက်ရင် ရေပေါ်အုတ်ကိုရပြီ ... ပရိုတိန်းအမြှုပ်က သဲ၊ ဘိလပ်မြေ၊ ရေတို့ကို ပွထလာစေပြီး တနည်းအားဖြင့် ပရိုတိန်းအမြှုပ်ကဖန်တီးပေးလိုက်တဲ့ လေဟာနယ်ကလေးတွေဟာ သဲ၊ ဘိလပ်မြေနဲ့ ရေတို့ရဲ့အကြားမှာ အနှံ့အပြား ညီညီညာညာနေရာယူလိုက်တဲ့အတွက် လေထုပါနေတဲ့ ကွန်ကရစ်အုတ်ဖြစ်တာကြောင့် ရေထဲချလိုက်တဲ့အခါ ပေါလောပေါ်နေရခြင်းဖြစ်တယ် ... လေခိုနေလို့ မခိုင်ဘူးလားဆိုတော့ သံရိုက်လို့လည်းရတယ် ... ပစ်ချလို့လည်းအစိတ်စိတ်အမွှာမွှာမကွဲသွားဘူး ... နောက် လေခိုနေတဲ့အတွက် အသံဆူညံမှုကိုလျှော့ချနိုင်တဲ့သတ္တိရှိတယ် ... မီးလောင်တဲ့ဒဏ်ကို သာမန်မီးဖုတ်ရွှံ့အုတ်ထက် ခံနိုင်ရည်ပိုရှိတယ် ... ပေါ့ပါးပြီးခိုင်ခံ့လှတဲ့အတွက် နိုင်ငံတကာမှာဆောက်လုပ်ကြတဲ့ အထပ်မြင့်အဆောက်အဦကြီးတွေမှာသုံးနေကြပြီ ...

များသောအားဖြင့် ရေပေါ်အုတ်ရဲ့ အရွယ်အစားကို ၁၈" အရှည် ၈" ဗျက် ၄" ထု အရွယ်အစားထုတ်တယ် ... ဒီအရွယ်အစားဟာ မီးဖုတ်ရွှံ့အုတ် ၄ လုံးရဲ့ အရွယ်အစားပါပဲ ... ဒါပေမယ့် သာမန်မီးဖုတ်အုတ် ၂ လုံးရဲ့အလေးချိန်လောက်ပဲ လေးပါတယ် ... ထုထည်ကြီးပြီးပေါ့ပါးတာကြောင့် အုတ်စီအုတ်ချောရာမှာမြန်ဆန်တယ် ... အချိန်ကုန်သက်သာတဲ့အတွက် အလုပ်သမားစရိတ်လည်းသက်သာလာမယ် ... မီးဖုတ်ရွှံ့အုတ်လုပ်ငန်းတွေကို ကန့်သတ်ပိတ်ပင်မှုတွေရှိလာခဲ့ရင် အုတ်ဈေးကမြင့်လာမယ် ... အဲဒီအခါ ရေပေါ်အုတ်ကို အစားထိုးသုံးစွဲရင် ဆောက်လုပ်မှုကုန်ကျစရိတ်တွေ သက်သာလာမယ် ... အုတ်အနေနဲ့သုံးရုံသာမက ကြမ်းခင်းလောင်းရင်လည်းဖြစ်သလို ခြံစည်းရိုးတံတိုင်းခတ်ရာမှာလည်း လိုသလိုပုံလောင်း အသုံးချနိုင်တယ် ... အုတ်တွေရဲ့ Density လို့ခေါ်တဲ့ သိပ်သည်းဆအတိုးအလျှော့လုပ်ပြီး သိပ်သည်းဆမြင့်တာကို အပြင်နံရံစီရာမှာသုံး ... သိပ်သည်းဆနည်းတာကို အခန်းများကန့်ရာမှာသုံး စသည်ဖြင့် လိုအပ်သလို အသုံးချနိုင်တယ် ... Density လို့ခေါ်တဲ့ သိပ်သည်းဆအချိုးအစားချိန်ညှိရတာလည်း ဘာမှမခက်ခဲဘူး ... အမြှုပ်၊ သဲ၊ ဘိလပ်မြေ၊ ရေတို့ကို လိုအပ်သလိုအချိုးအဆမျိုးမျိုးပြောင်းပြီး ရောစပ်တာပါပဲ ... Density မြင့်ရင် အုတ်ရဲ့မာကျောကျစ်လစ်မှုနဲ့ ခံနိုင်ရည်ရှိမှုပိုမြင့်လာမယ် ... ဒီသဘောပါပဲ ... ရေပေါ်အုတ်က သက်တမ်းရင့်လာလေလေ ခံနိုင်ရည်ရှိမှုနဲ့ မာကျောကျစ်လစ်မှုက ပိုပြီးမြင့်လာလေလေပါပဲ ... ဒါက သူ့ရဲ့ထူးခြားချက်ပေါ့ ...

 အရည်အသွေးကောင်းပြီး ရေရှည်ခံတဲ့ရေပေါ်အုတ်ရဖို့ဆိုတာ ကွန်ကရစ်ဖျော်စပ်ရာမှာသုံးတဲ့ အမြှုပ်ထုတ်ရာမှာ အချိန်အဆမှန်ကန်ရမယ်၊ သဲ၊ ရေ၊ ဘိလပ်မြေတို့နဲ့ ရောစပ်သမရာမှာ နည်းစနစ်မှန်ရပါမယ် ... ဒါမှ အုတ်ရဲ့ သိပ်သည်းဆ Density အမျိုးမျိုးနဲ့ကိုက်ညီတဲ့ Compression Strength ရေရှည်ခံနိုင်ရည်ပြည့်ဝတဲ့ အရည်အသွေးကိုရမှာဖြစ်ပါတယ် ... ကျနော်က အင်ဂျင်နီယာမဟုတ်လို့ နည်းပညာပိုင်းဆိုင်ရာ အသေးစိတ်တွေမရေးပြတတ်ပါဘူး ... ဖတ်ရတာလည်း ခေါင်းရှုပ်မှာစိုးလို့ ... ကိုယ်ဆောက်လုပ်မယ့် အဆောက်အဦဒီဇိုင်းနဲ့ အရွယ်အစားအပေါ်မူတည်ပြီး Cellular Lightweight Concrete သို့မဟုတ် ရေပေါ်အုတ်ကို လိုသလိုချိန်ဆ အသုံးပြုနိုင်ပါတယ် ...

ကျနော်တို့ လုပ်ငန်းငယ်ကလေးတစ်ခု ထူထောင်မှုအပိုင်းကို သွားကြရအောင် ...
လောလောဆယ် အလုပ်သမား ၂ ယောက် သို့မဟုတ် ၃ ယောက်နဲ့ လုပ်ငန်းကိုစမယ်ဆိုရင် စက်ဖိုးနဲ့ ပုံစံခွက်တွေအတွက် ၃၅ သိန်းလောက်ရင်းနှီးရမှာဖြစ်ပြီး တစ်ရက်စာ ၁၈" အရှည် ၈" ဗျက် ၄" ထုအရွယ် အုတ်အလုံး ၈၀၀ (ရိုးရိုးမီးဖုတ်ရွှံ့အုတ် ၄၀၀၀) ထုတ်လုပ်နိုင်ပြီ ... အဲဒီအတွက် လုပ်အားခရော ပစ္စည်းဖိုးနဲ့ဆိုရင် စုစုပေါင်း သိန်း ၅၀ လောက်ရင်းရပါလိမ့်မယ် ... နောက်ပိုင်းဆိုရင် တစ်ရက်စာထုတ်လုပ်မှု ကုန်ပစ္စည်းတန်ဖိုးနဲ့ အလုပ်သမားခပဲ ဆက်ကုန်ဖို့ရှိတော့တာပေါ့ ... အုတ်တစ်လုံးရဲ့ ထုတ်လုပ်မှုကုန်ကျစရိတ်တန်ဖိုးကိုတွက်ချက်ရင် ဒေသန္တရကုန်ကြမ်းဈေးနှုန်းနဲ့ လုပ်အားခအပေါ်မူတည်ပြီး ၂၀၀ ကျပ်ကနေ ၃၀၀ ကျပ်တန်ကြေးဖြစ်နိုင်ပါတယ် ... အတိအကျပြောလို့မရနိုင်ဘူးလေ ... ကုန်ဈေးနှုန်းက နေရာဒေသ အတက်အကျအမျိုးမျိုးပဲမဟုတ်လား ... နယ်ဖက်တွေက မီးဖုတ်ရွှံ့အုတ် ၄ လုံးစာရဲ့ဈေးနှုန်းလောက် အရင်းအနှီးရှိနေပေမယ့် မြို့ကြီးတွေမှာ ရေပေါ်အုတ်တစ်လုံး (မီးဖုတ်ရွှံ့အုတ် ၄ လုံးစာ) ကို ၈၀၀ ကျပ်ကနေ ၁၀၀၀ ကျပ်အထိ အရောင်းအဝယ်ဖြစ်နေပြီ ... ရေပေါ်အုတ်က ဈေးကြီးနေသေးပေမယ့် အားသာချက်တွေရှိနေတယ် ...

မီးဖုတ်အုတ်ကိုသုံးမယ်ဆိုရင် ဆောက်လုပ်ရေးလုပ်ငန်းခွင်ကိုရောက်ဖို့ သယ်ယူပို့ဆောင်ရတဲ့စရိတ်ရှိတယ် ... အုတ်စီအုတ်ချောရာမှာ ဒုထည်အရွယ်အစားသေးတဲ့အတွက် အချိန်စားတယ် ... အလုပ်သမားခကုန်ကျစရိတ်တက်လာမယ် ... အလေအလွင့်အဆုံးအရှုံးများတယ် ... လုပ်ငန်းကြီးတစ်ခုလုံးပြီးသွားတဲ့အခါ ဈေးကြီးတယ်လို့ယူဆရတဲ့ ရေပေါ်အုတ်ကိုမသုံးခဲ့မိတာ မှားမှန်းသိလိမ့်မယ် ... ရေပေါ်အုတ်ကိုသုံးမယ်ဆိုရင်တော့ ဆောက်လုပ်ရေးလုပ်ငန်းခွင်ထဲကို ဝန်မကျယ်တဲ့စက်ကလေးတွေ သယ်သွားပြီး လိုအပ်တဲ့အုတ်အလုံးအရေအတွက်ကို ပုံစံခွက်ထဲမှာလောင်းပြီး ထုတ်ခိုင်းလိုက်ရုံပဲ ... ဒီမှာတင် သယ်ယူစရိတ်က သက်သာသွားပြီ ... အုတ်ရဲ့ထုထည်အရွယ်အစားကြောင့် အုတ်စီအုတ်ချောရာမှာ တိကျမြန်ဆန်တဲ့အတွက် အချိန်စားသက်သာပြီး အလုပ်သမားခတွေပါ သက်သာလာမယ် ... လုပ်ငန်းပြီးဆုံးတဲ့အခါ ခိုင်ခံ့ပေါ့ပါး မာကျောကျစ်လစ်ပြီး ရေရှည်ခံနိုင်တဲ့ အဆောက်အဦကောင်းတစ်ခုကို ပိုင်ဆိုင်နိုင်ပြီပေါ့ ...

နွေ၊ မိုး၊ ဆောင်း အချိန်မရွေး အမိုးအကာအောက်မှာ အုတ်ကိုလိုသလိုထုတ်လုပ်နိုင်မယ် ... သစ်သား ထင်းမီးစတာတွေမသုံးရတော့တဲ့အတွက် သဘာဝပတ်ဝန်းကျင်ကို ထိန်းသိမ်းရာလည်းရောက်တယ် ... မီးဖုတ်ရွှံ့အုတ်လို တန်ဖိုးရှိလှတဲ့ လယ်မြေတွေ စိုက်ပျိုးမြေတွေကို ထိုးကော်ဖျက်ဆီးစရာမလိုဘဲ သဲ၊ ဘိလပ်မြေ၊ ရေတို့ကိုသာ အဓိကသုံးစွဲတာကြောင့် မြေလွှာပျက်စီးမှုကို တားဆီးပြီးသားဖြစ်တယ် ... သင့်တင့်မျှတတဲ့ဈေးနှုန်းကြောင့် ဆောက်လုပ်ရေးလုပ်ငန်းတွေမှာ အကျိုးရှိမယ် ... ဆောက်လုပ်မှုကုန်ကျစရိတ်လျော့နည်းလာတာနဲ့အမျှ လူနေမှုအဆင့်အတန်းလည်း တဖြည်းဖြည်းတိုးတက်မြင့်မားလာနိုင်ပါတယ် ...

ဒါကြောင့် သဘာဝပတ်ဝန်းကျင်အတွက်လည်းအကျိုးရှိ၊ လူမှုဘဝအတွက်လည်း တိုးတက်မှုကိုဆောင်၊ ငွေကြေးကုန်ကျမှုကိုလည်း ချွေတာနိုင်တဲ့ ရေပေါ်အုတ်ကို လူတိုင်းလူတိုင်းသုံးစွဲပြီး ကောင်းကျိုးအထွေထွေပြုနိုင်ကြပါစေလို့ ဆန္ဒပြုလိုက်ရပါတယ် ....။

မှတ်ချက် - ဒီစာရေးတဲ့အတွက် ဘယ်သူ့ဆီကမှ တစ်ပြားတစ်ချပ်မရပါ ... အထူးသဖြင့် ကိုစိုးသူရထွန်းဆီကလည်း အခကြေးငွေယူခြင်းမရှိရပါ ... ဆိုခဲ့ပြီးသလို ကောင်းကျိုးများစွာရှိတဲ့အတွက် အူယားလို့ရေးခြင်းသာဖြစ်ပါတယ် ... ရေပေါ်အုတ်လုပ်နည်းနဲ့ စက်ပစ္စည်းများ၊ ကုန်ကြမ်းရရှိမှုများအတွက် အကူအညီပေးနိုင်မယ့် ကိုစိုးသူရထွန်း (ဖုန်း - 09-420077888, 09-73336699) အမှတ် ၉၃၅၊ ၆၃ ရပ်ကွက် ဇုံ ၂၊ တောင်ဒဂုံ ကို ဆက်သွယ်ပြီး ပိုသိချင်တာတွေကိုမေးမြန်းနိုင်ပါတယ်။ သူက ဒီနည်းပညာနဲ့ အလတ်စားလုပ်ငန်းကလေးတွေထွန်းကားလာဖို့ အနယ်နယ်အရပ်ရပ်က လေ့လာလိုသူတွေကို အခမဲ့ သင်တန်းတွေပေးနိုင်ဖို့လည်းစီစဉ်နေပါတယ်တဲ့ ... ကိုးကားထားတဲ့ Link တွေမှာလည်း လက်တွေ့ထုတ်လုပ်မှုပိုင်းတွေ ဆောင်လုပ်ရေးနည်းနာတွေကို လေ့လာနိုင်ပါတယ်...။

ကိုဇင် အဓိပတိပစ္စယော
၂၀၁၆ ခုနှစ်၊ စက်တင်ဘာလ (၇) ရက်။

ကိုကား - ကိုစိုးသူရထွန်း

http://www.clc-bricks.in/what-is-clc
www.youtube.com/watch?v=lx-88j2bJLI
http://www.moladi.net
www.foamconcretehousing.com

(All Credit to original writer, facebook မှ ကူးယူဖော်ပြပါသည်။)

Transformers: Earth Wars (Review)



Transformer ရုပ်ရှင် ထွက်ပြီး သိပ်မကြာ .... PlayStation တို့ PC တို့မှာ Transformer ဂိမ်း ထွက်လာတယ် ။ ဟော ...... အခုလည်း mobile အတွက် ထွက်လာပြီ ....... Transformers: Earth Wars တဲ့ ..... Android နှင့် iOS အတွက် ထွက်လာတာ ။ graphic ကတော့ HD .... နဲနဲ အသေးစိတ်ဆွဲထားလို့ တော်တော်လှတယ် ..... ကိုယ့် base ထဲ စက်ရုပ်လေးတွေ လျှောက်သွားနေတာ အစ တွေ့နိုင်တယ်..... အရောင် စိုစိုပြေပြေနဲ့ ကြည့်ရ တော်တော် ကောင်းတယ် ။

သူကတော့ console တွေမှာ ထွက်ဖူးတဲ့ ဂိမ်းကြီးတွေနဲ့ သိပ်မတူဘူး..... အဲ့ Transformer မိုဘိုင်းဂိမ်းက base ထောင်.... စက်ရုပ်တွေထုတ်....သူများကို သွားတိုက်ရမှာ..... သူများ ပြန်လာတိုက်တာကိုလည်း ခုခံရမယ် .... ဆိုတော့ကား Clash Of Clan နဲ့ ဆင်တူနေတယ်.... ကွဲတာတော့ နဲနဲ ရှိတယ်..... Story mode လေး ပါတယ်.....

Story ကတော့ ဒီလိုပါ.... အော်တိုဘော့ (Autobots) နှင့် ဒီဆက်ပ်တီကွန် (Decepticons) တို့က ကမ္ဘာမြေကြီးကို ပြန်လာပြီး ကမ္ဘာမြေကြီးက သယံဇာတတွေ လာယူတယ်..... အဲတာကို အော့ပ်တီမတ် ပရိုင်းနဲ့ အပေါင်းအပါတစ်စုက တားတယ်..... အဲ့ဒီအခါ ဘယ်လိုတွေ ဖြစ်မလဲ ဆိုတာ ဇာတ်လမ်း အတိုင်းဆော့ရတာပေါ့ .... မက်ဂါထရွန်ရဲ့ အစီအစဉ် ဘယ်လို? သူက ကမ္ဘာမြေမှာ ဘာရှိလို့ လာရှာသလဲဆိုတာ ဇာတ်လမ်းဆော့ရင်း တဖြည်းဖြည်း ရုပ်လုံးပေါ်လာတာ တွေ့ရမှာပါ....



Gameplay
 
Class မှာတော့ Warriors, Aerial, Gunners , Medics နှင့် Special bot ဆိုပြီး ၅ မျိုး ရှိတယ်......

Warriors ကတော့ အကြမ်းပတမ်းခံနိုင်တယ်....defense ခုခံနိုင်စွမ်း မြင့်တယ်..... damage ကျတော့ သိပ်မရှိဘူး.......

Aerials ကျတော့ damage မြင့်တယ်..... တာတို ပစ်တယ်..... range က တိုတယ်..... ကောင်းကင်ကနေ တနေရာတည်းကို damage မြင့်မြင့်နဲ့ ပစ်နိုင်တယ်..... အားနည်းချက်ကတော့ health point နည်းတယ်.....

Gunners က wall ပေါ်က ပစ်နိုင်တယ်..... ဗုံးတွေ ကျဲချနိုင်တယ်..... damage မြင့်ပေမယ့် ပျော့တယ်..... ချခံထိရင် သူပဲ အရင် သေတယ် ပေါ့...

Medics ကတော့ heal သွေးဖြည့်ပေးတယ် ..... တခြား စက်ရုပ်တွေကို support လုပ်ပေးတယ်.... သူလည်း ပျော့တယ်...

Special bots ကတော့ တကောင်ချင်းစီမှာ ထူးခြားတဲ့ abilites တွေရှိတယ်... fighter တွေပေါ့.... အဲ့ထဲမှာ leaders, scouts, နှင့် deployers အမျိုးအစားတွေ ပါတယ်...

Base ကတော့ defend အဆောက်အအုံတွေ ခံတပ်တွေ wall တွေ စက်ရုပ်ထုတ်တဲ့ အဆောက်အအုံတွေနဲ့ပေါ့ .... ထောင်ထားပြီး စက်ရုပ်တွေ ထုတ်မယ်.... သူများ base ကို သွားချမယ်..... အောင်ရင် ဘာ ညာ ရမယ်ပေါ့.... Campaign တွေ Event တွေ ရှိတယ်..... တပတ်တခါ တလတခါ လာတတ်တယ်..... gacha လိုမျိုးပါတယ်..... ticket ဆိုတာလိုမျိုးကို သုံးပြီး မဲနှိုက်ရတယ်..... ကျလာတာတွေက random ပေါ့... အဲ့ဒါကနေ စက်ရုပ်အကောင်းတွေ ရချင် ရတတ်တယ်...



Transformers: Earth Wars မိုဘိုင်းဂိမ်းက free to play Online ဂိမ်းပါ..... android နဲ့ iOS အတွက် ၂၀၁၆ ဇွန်လ ၂ ရက်နေ့ကမှ ထွက်ထားတာပါ ..... စက်ရုပ် ကြိုက်သမားတွေ base ထောင်ပြီး ဗျု ဟာချ တိုက်ခိုက်ရတာ နှစ်သက်သမားတွေ အတွက်တော့ အကြိုက်တွေ့စေမှာပါ.....



Android => https://play.google.com/store/apps/details?id=com.backflipstudios.transformersearthwars&hl=en

IOS => https://itunes.apple.com/us/app/transformers-earth-wars/id1058526204?mt=8

KSA
#qzksa
#Fros

Sunday, February 19, 2017

ဘုရားဆွမ်းတော်ကပ်ရာတွင်

ဗုဒ္ဓဘာသာအများရဲ့ အလွဲတွေထဲက နောက်ထပ်အလွဲတစ်ခုက ဘုရားဆွမ်းတော် ကပ်တာလေးပါ။ ဆွမ်းတော်ကပ်လှူတာကို ပြောတာပါ။ နတ်တင်သလိုမျိုး ဘုရားဆွမ်းတော်တင်တာမျိုး မဟုတ်ပါဘူး။

ဆွမ်းတော်ကပ်တာ ဆိုတဲ့အတွက် သက်ရှိထင်ရှား ဘုရားရှင်ကို ရည်ရွယ်အာရုံပြုပြီး ကပ်ဖို့လိုပါတယ်။ ဘုရားက ဘာမှ မပြောဘူးဆိုပြီး ဖြစ်သလိုလေး တင်သွားတာမျိုးတော့ မဖြစ်သင့်ပါဘူး။

Credit to - မနာပဒါယီ အရှင်ဝိစိတ္တ(ဒိုက်ဦး)။ 

ဗုဒ္ဓဘာသာဝင် အချို့ရဲ့ အိမ်မှာဘုရားဆွမ်းတော် ကပ်တာလေးတွေ တွေ့ဖူးပါတယ်။ ထမင်းပန်းကန်လေးပေါ်မှာ သကြားလေးဖြူ၊ ထန်းလျှက်လေးနဲ့ တင်ထားတာကိုပါ။ အိမ်မှာ စားစရာမရှိလို့၊ သူတို့ကိုယ်တိုင် ဒီသကြား၊ ထန်းလျှက်တွေနဲ့ စားနေရလို့ဆိုရင်တော့ အထူးပြောစရာ မရှိပါဘူး။ ကိုယ်စားနိုင်တာ၊ ကိုယ်ရှိတာလေးနဲ့ ကိုယ်နဲ့ထပ်တူထားပြီး ဘုရားရှင်ကိုလည်း မရှိရှိတာ ကပ်တဲ့သဘောပါ။ ခုဟာက အဲလိုမဟုတ်ပါဘူး။ မကပ်နိုင်လို့ မဟုတ်ပါဘူး။ ကိုယ်စားတဲ့အခါ ဟင်းသုံးလေးမျိုးနဲ့ စားနေပြီး ဘုရားဆွမ်းတော် ကပ်တဲ့အခါမှာသာ အဲလိုတင်တာပါ။ တမင်တကာ ရည်ရွယ်ပြီး တင်တာတော့ မဟုတ်လောက်ပါဘူး။ မသိလို့ ဖြစ်မှာပါ။ ဒီလိုပဲ တင်ရတယ်ထင်လို့ ထမင်းပန်းကန်လေးအပေါ်မှာ သကြားထန်းလျှက်လေး ပုံပြီးတင်တာ ဖြစ်မှာပါ။

ရှေးအစဉ်လာကတည်းက ဒီလိုတင်ရတယ်လို့ သိနေခဲ့လို့ တင်တာလည်း ဖြစ်ကောင်းဖြစ်မှာပါ။ အဲဒီလို ပုံပြီးတင်တာဆိုရင်တော့ ဘုရားဆွမ်းတော်ကပ်တယ်လို့ ပြောလို့မရဘဲ နတ်တင်သလို တင်တယ်လို့ပဲ ပြောရပါလိမ့်မယ်။ ဗုဒ္ဓဘာသာ အချို့ရဲ့
ဘုရားကျောင်းဆောင် မှာ ဒီလိုနတ်တင်သလို ဘုရားဆွမ်းတော် တင်တာတွေ ခုချိန်ထိ ရှိနေပါသေးတယ်။

တကယ်တော့ ဒီလိုမဖြစ်သင့်ပါဘူး။ ဆွမ်းတော်မတင်ဘဲ ဆွမ်းတော်ကပ်သင့်ပါတယ်။ ကပ်တယ်ဆိုကတည်းက သက်တော်ထင်ရှား ဘုရားကို အာရုံပြုပြီး ဘုရားရှင်ကို အိမ်မှာပင့်ပြီး ကပ်သလိုမျိုး သေချာကျနစွာ ကပ်သင့်ပါတယ်။ နည်းတာများတာက အဓိကမကျပါဘူး။

ဆွမ်းတော်ကို ဆွမ်း၊ ဆွမ်းဟင်းစသည် သီးသန့်စီပြင်ပြီး ကိုယ်စားသလိုမျိုး ဦးဦးဖျားဖျား ရိုရိုသေသေ ကပ်လှူသင့်ပါတယ်။ အများကြီး ၀ိုင်းလိုက်ပြင်ပြီး ကပ်လှူဖို့မဟုတ်ပါဘူး။ ကိုယ်စားတဲ့အထဲက မစားခင် အဦးအဖျား လှူတဲ့သဘောနဲ့ စေတနာရှေ့ထားပြီး ကပ်လှူစေချင်တာပါ။ ကပ်ပြီးရင်လည်း မေ့မေ့ပျောက်ပျောက် မထားသင့်ပါဘူး။

နောက်နေ့ တစ်ခါကပ်ခါနီးမှ စွန့်ပြီးကပ်တာမျိုး မဖြစ်သင့်ပါဘူး။ သူ့အချိန်လေးနဲ့သူ ကပ်ပြီး စွန့်သင့်ပါတယ်။ အရုဏ်ကပ်ပြီး တစ်ခါစွန့် နေဆွမ်းမှာလည်း မွန်းမတည့်မီကပ်ပြီး မွန်းတည့်၁၂နာရီ မကျော်မီ စွန့်သင့်ပါတယ်။ ဆွမ်းမှမဟုတ်ပါဘူး။ တစ်ခြား ပန်း၊ သစ်သီး၊ သောက်တော်ရေ စတာတွေကိုလည်း သေသေချချာ ကျကျနန ပြင်ဆင်ကပ်သင့်ပါတယ်။

သောက်တော်ရေကတော့ အချိန်ပြည့် ကပ်ထားလို့ ရပါတယ်။ ကပ်တဲ့ သောက်တော်ရေခွက်တော့ ကိုယ့်အိမ်မှာ ပုံမှန်သောက်နေတဲ့ သောက်ရေခွက် အနေအထားတော့ ရှိသင့်ပါတယ်။ တစ်ချို့ ဘုရားသောက်တော်ရေကို အရက်ခွက်အရွယ် အသေးလေးတွေနဲ့ တစ်နေကုန် တစ်ခါပဲ ကပ်တာတွေ ရှိပါသေးတယ်။ အလကား ရတဲ့ရေကိုတောင် နဲနဲသေးသေးလေးပဲ ကပ်တော့ ပြောစရာဖြစ်တာပေါ့။

ကိုယ်ကိုယ်တိုင်လည်း အဲဒီလောက် သေးသေးလေးကို တစ်နေကုန်သောက်ပြီး နေနိုင်မနေနိုင် ဆင်ခြင်သင့်ပါတယ်။ ပန်းကပ်တာလည်း ရှိသေးတယ်။ ကြာကြာခံအောင်၊ နောက်မလဲရအောင် ဆိုပြီး ကပ်လှူကြတယ်လေ။ ဇော်စိမ်းဇော်ကြားတဲ့။ ကပ်ပြီးပန်းအိုးထဲမှာ အမြစ်ပါ ပေါက်လာတော့ ပိုခံတာပေါ့တဲ့။ အဲဒါဆိုလဲ ကပ်မနေနဲ့တော့ပေါ့။ ပန်းလည်းလှပြီး အနံ့အသက်ရှိတဲ့ ပန်းဆို ဘုရားရှင်ကို ပိုပြီးပူဇော်လို့ ကောင်းတာပေါ့။

ပြီးတော့ သစ်သီးကပ်တာတွေ ရှိပါသေးတယ်။ ဈေးသွား ငှက်ပျောသီး၊ သရက်သီး အစိမ်းအလုံး လှလှလေးတွေ ၀ယ်လာပြီ ဘုရားကျောင်းဆောင် ပေါ်တင်ကပ်ထား၊ မှည့်တဲ့အခါကျတော့ စွန့်ပြီး ကိုယ်စားပစ်လိုက်တာတွေ ရှိပါတယ်။ ဒီတော့ ဘုရားကျောင်းဆောင် က သစ်သီးအုပ်တဲ့နေရာလို ဖြစ်နေပြန်ပါတယ်။ အဲဒီလို မဖြစ်သင့်ပါဘူး။ သစ်သီးအစိမ်းအလှတွေ ၀ယ်လာလို့ ဘုရားကျောင်းဆောင်မှာ ကပ်လှူထားဖြစ်ရင်လည်း မှည့်တဲ့အခါမှာ သေချာကျကျနန ခွဲပြီးဇွန်းလေး၊ ခရင်းလေးတွေထည့်ကာ အချိန်ကာလကြည့်ပြီး ကပ်လှူသင့်ပါတယ်။ ဒါမှ သစ်သီးဆွမ်းကပ်ရာ ရောက်မှာပေ့ါ။ ခုတော့ အစိမ်းဝယ်တင်ထားပြီး ကိုယ်တော်အဆင်ပြေသလို ဘုဉ်းပေးဆိုတာမျိုး ဖြစ်နေပါတယ်။ မထူးပါဘူး။ ဓားနဲ့ဇွန်းခရင်းပါတင်ပြီး မှည့်ရင်အရှင်ဘုရား ကိုယ်တိုင်ပဲ ခွဲစားပါဘုရားလို့ တစ်ခါတည်း ကပ်ထားလိုက်ပေါ့။ ပိုသက်သာတာပေါ့။

ထားပါလေ။ ပြောချင်တာက ဘာပဲကပ်ကပ် သက်တော်ထင်ရှား ဘုရားကို ရည်မှန်းပြီး ကိုယ်တတ်နိုင်သမျှကို နည်းသည်များသည်မဟုတ်ဘဲ သေချာကျကျနန ကိုယ်နဲ့ထပ်တူ စဉ်းစားကာ ဦးဦးဖျားဖျား ကပ်လှူကြဖို့ ပြောတာပါ။

ဘုရားရှင်ရဲ့ အလုပ်အကျွေး အရှင်အာနန္ဒာ မထေရ်လို့ပေါ့။ အရှင်အာနန္ဒာမထေရ်ဟာ မြတ်စွာဘုရားရှင် ပရိနိဗ္ဗာန်စံတော်မူပြီး နောက်ပိုင်းမှာလည်း ဘုရားရှင် သက်တော်ထင်ရှား ရှိစဉ်တုန်းကလိုပဲ မပျက်မကွက် ပြင်ဆင်ကာ “အရှင်ဘုရား ဒီအချိုန်က မျက်နှာသစ်ရေ သုံးဆောင်ရမယ့်အချိန်၊ ဒီအချိန်က အရုဏ်ဆွမ်းဘုဉ်းရမယ့် အချိန်၊ ဒီအချိန်က နေ့ဆွမ်းဘုဉ်းပေးရမယ့် အချိန်ပါဘုရား“ စသည်ဖြင့် သက်တော်ထင်ရှား ဘုရားရှင်ကို လုပ်ကျွေးနေတဲ့ ပုံစံအတိုင်း ကပ်လှူလုပ်ကျွေးတယ်လို့ ဆိုပါတယ်။ အရှင်အာနန္ဒာမထေရ်လောက် မလုပ်နိုင်ကြပေမယ့် ဗုဒ္ဓဘာသာများဟာ ကိုယ်တတ်နိုင်တဲ့ အတိုင်းအတာလေးနဲ့ ကိုယ်စားတဲ့အရာလေးတွေကို တတ်နိုင်သမျှ ကျကျနနပြင်ဆင်ကာ ရိုရိုသေသေ ကပ်လှူကြစေချင်တာပါ။ ဒါကြောင့်မို့ ဘုရားဆွမ်းတော်ကပ်တာကို နတ်တင်သလိုမျိုး ဖြစ်သလို မတင်ကြဘဲ နည်းများမဆို စေတနာ သဒ္ဓါတရားအပြည့်နဲ့ သေချာကျကျနန ပြင်ဆင်ကပ်လှူကြဖို့ အလွဲလေးတွေကို မလွဲအောင် သတိပေးတင်ပြခြင်း ဖြစ်ပါတယ်။


Credit to - မနာပဒါယီ အရှင်ဝိစိတ္တ(ဒိုက်ဦး)။

Friday, December 9, 2016

Warcraft III Frozen Throne ဂိမ်း screen အပြည့် ဖြစ်အောင် ဘယ်လိုလုပ်မလဲ



အရင်တုန်းကတော့ screen resolution တွေ စတုရန်း ကျကျ 4:3 size နဲ့ လာကြတာများတယ် ။ ဒီတုန်းက CRT monitor တွေပဲ ရှိကြတာကိုး ။ Wide screen Monitor ဆို မရှိသလောက်ပါပဲ ။ ထို့အတူ ဂိမ်းတွေလည်း resolution ကို စတုရန်း size နဲ့ ပဲ ထုတ်ကြတယ် ။ အခုကတော့ နည်းပညာ အဆင့်မြင့်လာပြီး wide screen မော်နီတာတွေ ထုတ်လာကြသလို ဂိမ်းတွေလဲ wide screen ratio နဲ့ ပဲ ထုတ်လာကြတယ် ။ အရင်က ဂိမ်းတွေ ဥပမာ Warcraft III Frozen Throne လိုမျိုး ဂိမ်းတွေကို Wide screen monitor မှာ ကစားကြတော့ Full screen အပြည့်မရပဲ resolution က နံဘေးနှစ်ဖက်က မည်းပြီး စတုရန်း ဆိုဒ်ပဲ ပြတော့တယ် ။ သူ့ ဂိမ်း default size က 1274 x 768 ဆိုတော့ wide screen resolution ဖြစ်တဲ့ 1366 x 768 မှာ အပြည့်မဝင်ပဲ ပိုနေတဲ့ နေရာမှာ အမည်းကြီး ဖြစ်နေတာပါ ။ အခု ပြောပြမယ့် နည်းကတော့ wide screen resolution မှာ ဘေး ၂ ဘက် အမည်းပြားကြီး မပေါ်ပဲ အပြည့်ဝင်အောင် လုပ်တဲ့ နည်းလေး ဖြစ်ပါတယ် ။
.
တစ်ခုတော့ ရှိပါတယ် ။  တစ်ခုကိုစတုရန်းပုံ resolution ကို ထောင့်မှန်စတုဂံပုံ resolution ဖြစ်အောင် လုပ်လိုက်ရင် စတုရန်းပုံက ပြဲပြဲကြီး ဖြစ်သွားပါလိမ့်မယ် ။ စာရေးထားတဲ့ သရေပြားကြီးကို ဆွဲဆန့်လိုက်ရင် စာလုံးတွေ ပြဲပြဲကြီး မြင်ရသလိုမျိုးပါ ။
.
.
Full screen ဖြစ်အောင် လုပ်ဖို့ရာ Wndows registery ကနေ ပြင်ရမှာမို့ သင့်ရဲ့ Windows registery ကို ဖွင့်ရပါမယ် ။
.
ဖွင့်ဖို့အတွက် ပထမဦးဆုံး Windows ကီး နှင့် R ကီးကို တပြိုက်နက်တည်း နှိပ်လိုက်ပါက Run box တက်လာတာကို မြင်တွေ့ရမှာပါ ။
.
Run box မှာ regedit လို့ ရိုက်ထည့်ပြီး enter ခေါက်လိုက်ပါ ။
.
ကိုယ်ပြင်လိုတဲ့ registry entry လမ်းကြောင်းကို ရှာရပါမယ် ။ အခုက Warcraft III Frozen Throne ကို ပြင်မှာ ဖြစ်တဲ့အတွက် "HKEY_CURRENT_USER > Software > Blizzard Entertainment > Warcraft III > Video" ရှိတဲ့နေရာ ကို ရှာရပါမယ် ။
.

Resheight နဲ့ Reswide ဆိုတာ ရှာပြီး အဲ့ဒီမှာ ဂဏန်းတွေ ပြင်ရပါမယ် ။ ပြင်ရမယ့်ဂဏန်းတွေက ကိုယ့် windows ရဲ့ resolution နဲ့ တူရပါမယ် ။ အကယ်၍ ကိုယ့် windows resolution က 1366 x 768 ဆိုလျှင် ပြင်ရမယ့် ဂဏန်းလည်း 1366 x768 ပဲ ဖြစ်မှ Full screen အပြည့်ရမှာ ဖြစ်ပါတယ် ။
.
ကိုယ့် windows resolution က ဘာမှန်းမသိတဲ့အခါ desktop ပေါ် လွတ်တဲ့ တနေရာမှာ right click နှိပ်ပြီး screen resolution ကို နှိပ်လိုက်ရင် windows ငယ် တခု တက်လာပြီး အထဲမှာ ကိုယ့် windows resolution ဘယ်လောက်ရှိလဲဆိုတာ ကြည့်ခြင်းအားဖြင့် သိနိုင်ပါတယ် ။
.
ဂဏန်းပြောင်းတဲ့အခါမှာ decimal ကို ရွေးပြီး ပြောင်းပေးပါ ။
.
.


အကုန်လုံး လုပ်ပြီးရင်တော့ ပြီးသွားပါပြီ ။ ဖွင့်ထားတာတွေ ပိတ်ပြီး ဂိမ်းထဲ ဝင်လိုက်ရင် Full screen အပြည့် ဖြစ်နေတာကို မြင်တွေ့ရမှာပါ ။ ဒီလိုနည်းကို တခြား ဂိမ်းတွေမှာလည်း လိုသလို အသုံးချနိုင်ပါတယ် ။


Reference => http://www.zakyri.com/2013/02/how-to-make-frozen-throne-full-screen-on-windows-7-8-347907.html?m=1

KSA
#qzksa
#Fros

Saturday, November 12, 2016

Tempescope (မိုးလေဝ ခန့်မှန်းချက်ပြ စားပွဲတင်ပစ္စည်း)

မနက်ဖြန် ရာသီဥတု ဘယ်လိုနေမလဲဆိုတာ ဖော်ပြပေးတဲ့ Tempescope လို့ခေါ်တဲ့ ပစ္စည်းလေးပါ ။ Wifi ကိုသုံးပြီး အင်တာနက်ကို ချိတ်ထားတယ် ။ အင်တာနက်ကနေတဆင့် မိုးလေဝသ ခန့်မှန်းချက် ရယူပြီး ဒီ လေးထောင့် ဖန်ပုံးထဲမှာ ဖော်ပြပေးတယ် ။

ဥပမာ မနက်ဖြန် မိုးရွာမယ်ဆိုရင် ဒီနေ့ ဒီဖန်ပုံးထဲမှာ မိုးလေးရွာနေတာ တွေ့ရမယ် ။ မနက်ဖြန် တိမ်ထူထပ်မယ်ဆိုရင် ဖန်ပုံးထဲမှာ တိမ်လေး အုပ်ဆိုင်းပြီး ပြနေလိမ့်မယ် ။ ထို့အတူ လျှပ်စီးလက်တာတို့ နေသာနေတာတို့လည်း ဖော်ပြ ပေးနိုင်ပါတယ် တဲ့ ။

ဧည့်ခန်းထဲမှာ အလှတင်ပစ္စည်း အနေနဲ့ ထားလို့ရတဲ့အပြင် မိုးလေဝသ ခန့်မှန်းချက်တွေကို ဒီဖန်ပုံးလေးကနေ သိနိုင်တယ် ။ မိုးလေဝသ ခန့်မှန်းချက်တွေကို စာသားတွေ စကားပြောတွေနဲ့ ပြမယ့်အစား ဒါလေးနဲ့ပြတော့ မျက်စိပသာဒ ဖြစ်စေတာပေါ့ နော် ။


Thursday, October 27, 2016

ပြန်လည် အမှတ်ရခြင်း

ဆတ်ကနဲ နိုးလာတယ် ။ အိပ်ရာဘေးက တိုင်ကပ်နာရီကို ကြည့်တော့ ၇ နာရီ ထိုးဖို့ ၁၅ မိနစ်အလို။

ဟာ မဖြစ်ဘူး ကျောင်းနောက်ကျတော့မှာပဲ။

ကမန်းကတန်းထပြီး မျက်နှာသစ် သွားတိုက်ဖို့ အိမ်အောက် ဆင်းပြေးလာတယ်။ အိမ်အောက်ရောက်တော့ အမေက ထမင်းချိုင့်ထည့်ပေးပြီးလို့ ဈေးသွားပြီ။ အဖေကတော့ အပေါ်ထပ်မှာ ကျန်းမာရေးလေ့ကျင့်ခန်း လုပ်နေတုန်း။ မျက်နှာသစ် သွားတိုက် အင်္ကျီ လဲပြီး ကြည့်လိုက်တော့ ၇ နာရီ ၁၀။

အချိန်ရသေးတယ်။ အိမ်သာ မြန်မြန်တက်လိုက်ဦးမှ မဟုတ်ရင် ကျောင်းမှာ ဒုက္ခအကြီးအကျယ် ရောက်ကုန်လိမ့်မယ်။

ကျောင်းက facilities တွေ မပြည့်စုံတော့ အိမ်သာကို သန့်ရှင်းအောင် မထားနိုင်။ ကျောင်းဆောင် ရှစ်ဆောင် ရှိ၏။ အဆောင်တိုင်း အိမ်သာရှိ၏။ သို့သော် အကုန်လုံးပျက်။ ဆရာ ဆရာမအဆောင်က အိမ်သာနှင့် ဟောခန်းဘေးက အိမ်သာ ဒီ၂ခုသာ ကောင်းတယ်။ သုံးဖို့ရေဆို အဝေးကြီးက ရေ ခပ်ရတယ်။ မိုးရာသီဆိုရင်တော့ စိတ်ပူစရာမလို။ နွေရာသီတစ်ခုပဲ စိတ်ညစ်ရတယ်။ ဒါကြောင့် ကျောင်းသွားပြီဆိုတာနဲ့ ရေမသောက်တော့ဘူး။ အတွေးတွေနဲ့ အိမ်သာတက်နေတုန်း အဖေ့ အော်သံ ကြားလိုက်တယ်။

မြန်မြန်လုပ် ဒီမှာ နင့် ကျောင်းကား လာနေပြီ။

ကားဆရာကိုလည်း လှမ်းပြောသံကြားရတယ်။ စုရပ်က ကိုယ့်အိမ်ရှေ့မှာ။

ကားဆရာဝေး ခန စောင့်ပေးနော်။

ကမန်းကတန်းထွက်ပြီး ကျောင်းလွယ်အိတ်နဲ့ ထီး ထမင်းချိုင့်ကိုယူ အပြေးအလွား ကားပေါ်တက်လိုက်တယ်။ ကားပေါ်ရောက်တော့ လွတ်တဲ့တနေရာ ဝင်ထိုင်ပြီး ဘေးကိုဝေ့ကြည့်တော့ သူငယ်ချင်းတွေ တွေ့ရတယ်။ တချို့က အိပ်ရေး မဝသေးတဲ့ရုပ်။ တချို့က တနေရာကို ငေးကြည့်နေတယ်။ ဝူးးး ဆိုပြီး ကားထွက်တဲ့အသံကြားတော့ ကားထဲမှာ ရှိတဲ့လူတွေ တော်တော်များများ အပြင်ဘက်ကို မျက်နှာမူလိုက်ကြတယ်။ ကျောင်းကားတွေက ကမ်းရိုးတန်းတလျှောက် ပြေးဆွဲနေတဲ့ ဒိုင်နာကားတွေ။ အတွင်းပိုင်းထိုင်တဲ့လူတော့ မီးခိုးတွေ မွန်ထူတော့တာပဲ။ ဒါကြောင့် အကုန်လုံးနီးပါး ခေါင်းအပြင်ဘက် လှည့်ထားရတယ်။

ကားက တအိအိနဲ့ စုရပ်တွေ တနေရာရပ်လိုက် ကျောင်းသားကျောင်းသူတွေ တက်လာလိုက် ကား ပြန်ထွက်လိုက်နဲ့ သွားရင်း ကျောင်းနဲ့ တဖြည်းဖြည်း နီးလာတယ်။ ကားက မလုံလောက်တော့ ကားတစီးမှာ လူတွေ အပြည့်အသိပ်။ ယောကျာ်းငယ်လေးတွေဆို ကားခေါင်မိုးပေါ် တက်ထိုင်ရတယ်။ ကားထဲမှာလည်း အလယ်မှာ ခုံပုကလေးတွေ ထိုး ထိုင်ကြရတယ်။ မနက်စောစော တယောက်ကိုတယောက် စကားမပြောပဲ တိတ်ဆိတ်ငြိမ်သက်စွာနဲ့ ကျောင်းကို သွားကြတယ်။

ဘေးနှစ်ဘက် သစ်ပင်တွေအုံ့ဆိုင်းနေတဲ့ ကတ္တရာလမ်းကလေးကနေ ညာဘက် ချိုးဝင်သွားတော့ ကျောင်းဆောင်တွေ မြင်ရပြီ။ ဂိတ်ပေါက်ဝ မရှိ။ ခြံစည်းရိုးမရှိ။ မြက်ပင် ခြုံပုတ်တွေ သစ်ပင်ကြီးတွေကြားက ကျောင်းဆောင် ခေါင်မိုးတွေ ဟိုတကွက် ဒီတကွက် မြင်ရပြီ။

ဟော ကျောင်းရောက်ပြီ ဆိုတာ သိလိုက်ရတယ်။

ကားပေါ်ကနေ အလျှိုလျှို ဆင်းကုန်ကြတယ်။ ကားပေါ်ကဆင်းတာနဲ့ အေးမြလတ်ဆတ်တဲ့လေ တဝ ရှုပစ်လိုက်တယ်။ လန်းဆန်းသွားပြီ။ ငှက်ကလေးတွေ အော်သံ ကြားနေရတယ်။ အရမ်း တိတ်ဆိတ်နေတဲ့အတွက်ကြောင့် ဟိုးအဝေးကြီးက စကားပြောသံတောင် ကြားရတယ်။ ကိုယ့်အခန်းရှိရာ ကျောင်းဆောင်ကို ဦးတည်လျှောက်လာတယ်။ တချို့ ကျောင်းဆောင်ကနေ ကျောင်းသား ကျောင်းသူလေးတွေ ထွက်လာတာတွေ့တယ်။ သူတို့က မနက်စာစားဖို့ ကန်တင်းရှိရာ သွားနေကြတာပဲ ဆိုတာတွေးမိတာနဲ့အတူ ဗိုက်က အော်သံကြားလိုက်ရပြီ။ အမေ့ ထမင်းချိုင့်က ဟင်းနံ့ကလည်း မွှေးနေတာပဲ။ ကားပေါ်ပါလာတဲ့ သူငယ်ချင်းတွေတော့ ကားပေါ်က ဆင်းတာနဲ့ ကင်တင်းဆီ တန်းသွားကြပြီ။ ဒါနဲ့ ကျောင်းခန်းထဲရောက်တော့ လွယ်အိတ်ချပြီး ထမင်းချိုင့်ဖွင့် အနည်းငယ်စားလိုက်တယ်။ စားပြီးမှ နေသာထိုင်သာ ရှိသွားတော့တယ်။ သူငယ်ချင်းတွေ အလာ စောင့်နေတုန်း ကျောင်းခန်းကြီးကို ဝေ့ကြည့်လိုက်တယ်။

ကျောင်းခန်းက တံခါးမရှိ။ ပြတင်းပေါက်တောင် အရွက်ရှိတဲ့ အပေါက်ကရှိ မရှိတဲ့အပေါက်ကို သစ်သားတန်းတဲ့ ကန့်လန့်ဖြတ် ပိတ်ထားတယ်။ စာရေးနေတဲ့ သစ်သားခုံတန်းက နှစ်ကြာပြီဖြစ်တဲ့အတွက် ယိုင်နဲ့နေပြီ။ ဆရာမတွေ ရေးနေတဲ့ ကျောက်သင်ပုန်းကြီးကလည်း တခြမ်းပဲ့။ ဖြူဖွေးနေပြီ။ စာသင်ခန်းကြမ်းပြင်က မြေကြီးသာသာ။ တချို့နေရာတွေမှာ အင်္ဂတေ တွေပဲ့ထွက်လျက်။ အရာရာက ဟောင်းနွမ်းပျက်စီးနေတဲ့ကြားက စာသင်နေရတယ်။ ပုံနှိပ်စာအုပ်တောင် အထက်က အယောက်စေ့ အပြည့်အဝ မချပေးနိုင်။ မဲနိုက်ယူရတယ်။ မရတဲ့သူတော့ အရင်နှစ်က အကိုကြီး အမကြီးဆီ ခနငှါးယူပေတော့ပဲ။ မဟုတ်ရင် တအုပ်လုံး မိတ္တူကူးပဲ။ အဲ့လို အဲ့လိုနဲ့ စာအုပ်တွေ စုံအောင် ဖနိတီးယူရတယ်။ အခုက ပထမနှစ်ဆိုတော့ နောင်လေးနှစ်တောင် ရှိသေးတယ်။ အခုမှသတိရတယ် ။ ထမိန်အောက်နား ကြည့်ဦးမှ။ အင်း ထင်တဲ့အတိုင်း မြက်သီးတွေ ကပ်နေပြန်ပြီ။

ထမိန်ကနေ မြက်သီးတွေ တခုချင်းဆီ ခွာနေတုန်း အဝေးက သူငယ်ချင်းတွေရဲ့ စကားပြောသံ ရယ်သံတွေ ကြားရတယ်။ သိပ်မကြာဘူး။ သူငယ်ချင်းတွေ စုံသွားပြီး စာသင်ခန်းတခုလုံး ဆူညံသွားတယ်။ ခနကြာတော့ ဆရာမ ဝင်လာတယ်။ survey နဲ့ ပတ်သက်တာတွေ သင်တော့တယ်။ ဆရာ ဆရာမတွေ တယောက်ဝင် တယောက်ထွက် စာသင်ရင်း တဖြည်းဖြည်းနဲ့ အချိန်က နေ့လည် ထမင်းစားချိန်ရောက်လာကော။ အတန်းလွတ်တော့ သူငယ်ချင်းအချို့ ကင်တင်း ဆင်းသွားကြတယ်။ ကျန်တဲ့ သူငယ်ချင်းတွေနဲ့အတူ ထမင်းချိုင့်တွေ ဖွင့်စားကြတယ်။ အိမ်က အမေကတော့ အမြဲတမ်း ကြက်ဥကြော်နဲ့ ပဲသီးလှော်၊ ထမင်းအပေါ်မှာ သရက်သီးသနပ်လေး ၂ဖတ်နဲ့ အနှစ်အနည်းငယ်။ တခါတရံ အပိုဆုအနေနှင့် အာလူးကြော်တို့ ငရုတ်သီးတို့ ပါတတ်တယ်။ ဘယ်လိုပဲ ထည့်ထည့် အကုန်စားကောင်းတယ်။ တခါမှ မငြီးငွေ့ဘူး။ အိမ်ဟင်းကိုး။ စကားတပြောပြောနဲ့ ဟင်းတွေ အပြန်အလှန် လဲစားရင်းနဲ့ နေ့လည်စာ စားပြီးသွားပြီ။ စားပြီးတာနဲ့အတူ မျက်လုံးက ငိုက်စင်းလာတော့မယ်။

မဖြစ်ဘူး အိပ်ငိုက်ပြေအောင် လမ်းထလျှောက်မှ။

အခန်းအပြင်ထွက် ဟိုလျှောက် ဒီလျှောက်။ အခန်းထဲဝင် တပတ်ပြီး တပတ် ပတ်လျှောက်နေမိတယ်။

ဟော အသံကြားရတယ်။ သူတို့တွေတောင် ပြန်လာပြီပဲ။

ခနအကြာတော့ သူငယ်ချင်းတွေ တော်တော်များများ အခန်းထဲ ပြန်ဝင်လာကြတယ်။ တချို့က ထမင်းချိုင့်တွေ နေရာတကျပြန်ထားနေတယ်။ တချို့က စာအုပ်တွေဖွင့်ပြီး ဟိုကြည့် ဒီကြည့်။ တချို့က အချင်းချင်း စကားပြောပြီး ရယ်နေကြတယ်။ စာရေးတဲ့သူကရေး မုန့်အချို စားတဲ့သူကစား သီချင်း အော်ဆိုတဲ့သူကဆို ရယ်စရာပြောတဲ့သူနဲ့ ရယ်တဲ့သူတွေနဲ့ စာသင်ခန်းတခုလုံး စည်ကားနေတယ်။

physic ဆရာမ ဝင်လာပြီ။ သေပြီ။ ငါတော့ ငိုက်တော့မှာပဲ။ နဂိုကတည်းက မရတရဆိုတော့ မဖြစ်ဘူး ဆရာမ သင်ချိန် ပြူးပြဲ သင်မှပဲ။

အိပ်မငိုက်အောင် ကြိုးစားနေရရင်းနဲ့ ဘာတွေ သင်သွားမှန်း မသိလိုက်။ ဘေးက သူငယ်ချင်းကိုမေးကြည့်တော့

နင်ငိုက်လွန်းလို့ ယိုင်နေတယ်။

ပြုံးစိစိနဲ့ ပြန်ပြောပြတယ်။ တတ်မနိုင်။ ဒီလိုအချိန်ဆို ထိန်းမနိုင် သိမ်းမရ။ စိတ်ထဲမှာလည်း အိမ်က အိပ်ရာပဲ မြင်မြင်နေတာ။ သို့ပေမယ့် ၂ ချိန်လောက်ဆို အငိုက်ပြေသွားပါပြီ။

ဒီလိုနဲ့ သင်ရင်း အချိန်တဖြည်းဖြည်း ကုန်လာတာနဲ့အတူ ကျွီ ဆိုတဲ့ ကားအသံကြားရလိုက်ရတယ်။

ဝါးးး ကျောင်းဆင်းချိန်နီးနေပြီ။ ပျော်လိုက်တာ။

ညနေ ကျောင်းဆင်းချိန် ရောက်လာတယ်။

ဟေးးး ကျောင်းဆင်းပြီကွ။

စာအုပ်ခဲတံတွေ လွယ်အိတ်ထဲ ကောက်ထည့် ထမင်းချိုင့်ဆွဲပီး အပြင်ပြေးထွက်လာတယ်။ မနက်က ကျောင်းကား လူချပေးတဲ့ နေရာမှာ ကျောင်းကားတွေ ရောက်နေကြပြီ။ ဒါပေမယ့် ကားက မစုံသေး။ မေးကြည့်တော့ မြို့သစ်လိုင်းက ကားတစ်စီး မရောက်သေးဘူးတဲ့။ စောင့်ရင်း ၄ နာရီက ခွဲတော့မယ်။ အိမ်ပြန်ချင်တယ်။ Drawing လည်းဆွဲရဦးမယ်။ ဂိမ်းလည်း ဆော့ချင်တယ်။ ကိုးရီးယားပွဲကလည်း ဇာတ်သိမ်းတော့မယ်ဆိုတော့ ကြည့်ကောင်းနေပြီ။ ဘာ....... အလုပ်တွေက များလှချည်လားဟ။

ခန လောက် အတွေးရပ်ပြီး ဘေးကို ဝေ့ကြည့်လိုက်တယ်။ GTC ကျောင်းသာ ဆိုတယ်။ ဆိုင်းဘုတ်မရှိ။ ကျောင်းဆောင်တွေက ကျိုးတိုးကျဲတဲ။ ကျောင်းထဲရောက်လို့ ဘယ်ဘက်ကွေ့လိုက်ရင် ဆရာ ဆရာမတွေ နေတဲ့ ကျောင်းဆောင် ရှိတယ်။ မျက်နှာချင်းဆိုင်။ ကျောင်းတစ်ခုလုံး ဘယ်နေရာပဲ ကြည့်ကြည့် သစ်ပင်ကြီးတွေချည်း။ ကျောင်းပေါက်ဝလို့ ယူဆရတဲ့ နေရာမှာ ကားလမ်းတူတဲ့ သူငယ်ချင်းတွေနဲ့ အတူတူ သွားရပ်စောင့်လိုက်တယ်။ ကားဆရာတွေက အုပ်စုလိုက် တနေရာမှာ စုပြီး စကားပြောနေကြတယ်။ ဆရာဆရာမတွေရော မလာသေးတဲ့ ကားကို စောင့်ရင်း အချင်းချင်း စကားပြောနေကြတယ်။ ကျောင်းသားကျောင်းသူတွေ ကြည့်လိုက်ရင် ကားလမ်းအလိုက် သက်ဆိုင်ရာ ကားနားမှာ အစုလေး အစုလေး ကိုယ်စီ စုပြီး ရပ်နေကြတယ်။ ကားတွေက အဆင်ပြေသလို ထိုးထားရတော့ ဟိုနားတစ်စီး ဒီနားတစ်စီး တချို့ကတော့ ၃ စီးလောက် ယှဉ်ရပ်ထားတယ်။ ယှဉ်ရပ်ထားတဲ့ ကားပေါ်မှာ ကျောင်းသားကျောင်းသူတွေ စကားပြောရင်း စနောက်ရင်း ရယ်နေကြတယ်။ ကားချင်း ယှဉ်ရပ်ထားတော့ ဟိုဘက်ကားနဲ့ ဒီဘက်ကားနဲ့ လှမ်းစကားပြော စနောက်နေကြတယ်။ မနက်ဖြန်အတွက် ဆွေးနွေးနေကြတယ်။ သူငယ်ချင်းက လှမ်းပြောတယ်။

ဟိတ် မနက်ဖြန် drawing ရှိတယ်နော်။ နှစ်ထပ်အိမ် ဆွဲပြီးပြီလား။ ငါတော့ တစ်ဝက်ပဲ ပြီးသေးတယ်။

အေး ငါရောပဲ။ ညကျရင် ဆွဲမလို့ လုပ်ထားတယ်။

မနက်ဖြန် ကျောင်း စောစောရောက်ရင် drawing အခန်းကို သွားပြီး ဆွဲကြစို့ အေ။

အေ အဲ့ဒါ ကောင်းသားပဲ။

ပြောရင်း သိပ်မကြာဘူး။ အဝေးက ကားသံ ကြားရပြီ။ ကားတစ်စီး ကျောင်းဆီကို မောင်းလာတယ်။ လမ်းက တောလမ်းမို့ ကားတစ်စီး မောင်းသွားတိုင်း ဖုန်မှုန့်တွေ လေမှာလွှင့်ကျန်ခဲ့တယ်။ အဝေးကကြည့်ရင် ပတ်ဝန်းကျင်တစ်ခုလုံး ဖြူဖွေးပြီး ကားဆိုလို့ အရိပ်လေးမျှသာ မြင်ရတော့တယ်။ နောက်ဆုံးကား ရောက်လာတော့ ကျောင်းသူကျောင်းသားတွေ ဆရာဆရာမတွေ သက်ဆိုင်ရာ ကားတွေပေါ် တက်ကြတယ်။ ခနအကြာမှ ကားဆရာတွေ လည်း ကားပေါ်တက်လိုက်တယ်။

လူစုံပြီလားဟေ့။

ဆရာမ တစ်ယောက်ရဲ့ အော်သံ ကြားရတယ်။

စုံတယ် ချယ်။

ကားနောက်က ယောကျာ်းလေး တစ်ယောက်ရဲ့ အော်သံ။ ကားခေါင်းခန်းက ဆရာမက ကားဆရာကို တခုခု ပြောလိုက်တယ်။ ခန ကြာတော့ ကားထွက်တယ်။ ကားက တစီးပြီး တစီး ကျောင်းကနေ ထွက်ခွာလာတယ်။ ရှေ့နောက် တန်းစီပြီး ထွက်လာတာမို့ အဝေးက ကြည့်ရင် ရှင်လောင်း လှည့်နေတဲ့အတိုင်း။ ကား တန်းကြီး ဖြတ်သွားတော့ အနီးအနားက ကလေးတွေ အော်ဟစ်နှုတ်ဆက်ကြတယ်။ ကားခေါင်မိုးပေါ်ထိုင်နေတဲ့ ကျောင်းသားတွေကလည်း ပြန်နှုတ်ဆက်သံကို ကားထဲက ကြားရတယ်။ ရွှေဒူး ၊ စမ်းချောင်း စတဲ့ နေရာတွေ တဖြည်းဖြည်း ဖြတ်ကျော်ပြီး မြို့ထဲဝင်လာတော့ သက်ဆိုင်ရာလမ်းတွေထဲ ကားတွေ ကွေ့ဝင်ကုန်ကြလို့ ကားတန်းကြီးက တဖြည်းဖြည်းနဲ့ ကားတွေ နည်းကုန်လာတယ်။ စုရပ်တွေ့ရင် ကားရပ် အဲ့စုရပ်က ကျောင်းသားကျောင်းသူတွေ ဆင်းကြနဲ့ ကားမှာလည်း တဖြည်းဖြည်း လူနည်းလာလေပြီ။ ဒီလိုနဲ့ နောက်ဆုံးတော့ ကိုယ်အိမ်ရှေ့ ရောက်လာတော့တယ်။ ကားရပ်တော့ သူငယ်ချင်းတွေ ရယ်ပြ နှုတ်ဆက်ပြီး ကားပေါ်က ဆင်းလိုက်တယ်။

အိမ်ရောက်ပြီ။

QZ

Monday, October 24, 2016

ချစ်ခြင်းရဲ့ပေါင်းသင်းခြင်း ဒဿန


အတိတ်----- အကြင်နာတွေနဲ့ ပြည့်ခဲ့တဲ့အတိတ်က ပြန်ပြောင်းအောက်မေ့တိုင်း လူကိုကြည်နူးစေတယ်။
.
အနာဂတ်---- ပျော်ရွှင်ခြင်းနဲ့ အပြန်အလှန် ပေါင်းသင်းမှီခိုတတ်ရတယ်။
.
ကိုယ့်အတိတ်ကိုတန်ဖိုးထားတတ်တဲ့သူကမှ စစ်မှန်တဲ့အချစ်နဲ့ သင့်ကိုချစ်မြတ်နိုးနိုင်မှာဖြစ်တယ်။
.
တကယ်တော့ ဘယ်လိုချစ်ခြင်းမေတ္တာမျိုးမဆို ကျန်းကျန်းမာမာရှိပါတယ်။ တစ်ယောက်နဲ့တစ်ယောက် အထင်အမြင်လွဲမှားမှုက အချင်းချင်းဆက်ဆံမှုကို မကျန်းမမာဖြစ်စေတယ်။ ဒါကြောင့် ကိုယ်တို့မှာ "ခွင့်လွှတ်ခြင်း"ဆိုတဲ့ ဆေးကိုသုံးပြီး ကျန်းမာအောင် အမြဲဂရုစိုက်ခဲ့ရတယ်။
.
အခုခေတ်လူငယ်တွေမှာ ချစ်စရာဓလေ့တစ်ခုရှိတယ်။ အဲတာက သူတို့ရဲ့ပွင့်လင်းမှုဖြစ်တယ်။ ပွင့်လင်းလွန်းလို့ တချို့ကိစ္စ၊ တချိုနေရာတွေမှာ လူကြီးတွေတောင် ခံစားလို့မရနိုင်ခဲ့ဘူး။ လူကြီးတွေရဲ့ စေတနာပါတဲ့စကား၊ စစ်မှန်တဲ့ပွေ့ဖက်မှုတွေနဲ့ Generation gap ကို ပပျောက်စေပါတယ်။
.
မိဘတွေရဲ့ ထိန်းသိမ်း၊ ကန့်သတ်ချုပ်ချယ်မှုနည်းချင်ရင် ကိုယ်ကိုယ်တိုင် အရင်ဆုံးကောင်းအောင် လုပ်သင့်တယ်။ မိဘတွေကို စိတ်မပူစေချင်ရင် ကိုယ်ကိုယ်တိုင်ယုံကြည်စိတ်ချအောင် နေသင့်တယ်။ ကိစ္စအသေးအမွှားကစ တာဝန်သိတတ်မှုအထိ တဖြည်းဖြည်းသင်ယူသင့်တယ်။ အောင်မြင်သည်ဖြစ်စေ၊ ရှုံးနိမ့်သည်ဖြစ်စေ မိဘတွေနဲ့အတူ မျှဝေခံစားသင့်တယ်။
.
ချစ်ခြင်းကြားက မသင့်မြတ်မှု၊ ငြင်းခုန်ရန်ဖြစ်မှုတွေက အလေ့အကျင့်တွေ တဖြည်းဖြည်း စုပုံပြီးမှ ဖြစ်လာခဲ့တာဖြစ်တယ်။ ဒီလိုအကျင့်တွေ ဘယ်အချိန်မှာ စမွေးမြူလာသလဲ၊ ဘယ်အချိန်မှာဖြစ်လာခဲ့သလဲဆိုတာ တစ်ယောက်နဲ့တစ်ယောက် လေ့လာမိကြမှာမဟုတ်ဘူး။ သည်းခံဖို့ တစ်ယောက်ကရွေးချယ်နေချိန်မှာ တစ်ယောက်က ကြမ်းကြမ်းတမ်းတမ်း ပြန်ဆက်ဆံတယ်။ ဒါတွေက အလေ့အကျင့်ပဲဖြစ်တယ်။ သဲအိမ်လို သဲတွေနဲ့ဖြည်းဖြည်းချင်းဆောက်ထားတဲ့ ပျော်ရွှင်မှုတွေက အဲဒီအကျင့်တွေကြောင့် ပျက်သွားတတ်တယ်။
.
ကိုယ်ပျော်ရွှင်မှ ကိုယ့်ကိုယ်ချစ်တဲ့လူပျော်ရွှင်ဖို့ စွမ်းဆောင်နိုင်မှာဖြစ်တယ်။ ဒါပေမယ့် မမေ့သင့်တာတစ်ခုက သူတစ်ပါးနာကျင်မှ ကိုယ်ပျော်မယ့်ပျော်ရွှင်မှုမျိုးကိုတော့ အတတ်နိုင်ဆုံးရှောင်ရတယ်။ တကယ်လို့ တစ်ဘက်သားကို တကယ်ချစ်ရင် လေးစားရတယ်၊ သူ့ရွေးချယ်မှုကို အလေးထားရတယ်။ သူပျော်ရွှင်အောင်ထားရတယ်။
.
ပျော်ရွှင်ခြင်းရဲ့ လျှို့ဝှက်ချက်တစ်ခုက ချစ်ခြင်းရဲ့စည်းချက်ကျတဲ့အာရုံ (Sense of rhythm)ကို အမိအရ ဖမ်းယူတတ်ဖို့ဖြစ်တယ်။ နောက်ပြီး အဲဒီစည်းချက်နဲ့အတူ စည်းဝါးလိုက်ပြီး ခြေလှမ်းမှန်မှန်နဲ့ ရပ်သင့်တဲ့နေရာရပ်၊ ဆက်သင့်တဲ့နေရာဆက်၊ ရှေ့တိုးသင့်တိုး၊ နောက်ဆုတ်သင့်ဆုတ်တတ်ဖို့ ကိုယ့်ကို အသိပေးရတယ်။
.
ဘယ်လောက် ထုထည်ကြီးတဲ့ ချစ်ခြင်းမျိုးဖြစ်ဖြစ် တဗျစ်တောက်တောက် ပြောဆိုမှုဒဏ်ကို မခံနိုင်ကြဘူး။ "ကျေးဇူးတင်ပါတယ်" "ချစ်တယ်" ဆိုတဲ့စကားတစ်ခွန်းက အရာရာကို အောင်နိုင်စေပါတယ်။
.
ခြောက်ပစ်ကင်းတဲ့လူ မရှိပါဘူး။ ပျော်ရွှင်ခြင်းမှာလည်း တစ်ရာအပြည့်ပျော်ရွှင်ခြင်းဆိုတာ မရှိပါဘူး။ အရာအားလုံးကို ပိုင်ဆိုင်နိုင်ဖို့ တစ်ချိန်တည်း ကိုယ်မစွမ်းဆောင်နိုင်သလို၊ တစ်ချိန်တည်းမှာ အများကြီးတောင်းဆိုဖို့ ကိုယ့်မှာအင်အားမရှိဘူးလို့သိတဲ့လူက ရင့်ကျက်သူဖြစ်တယ်။ ဒီလိုမှမဟုတ်ရင် နှစ်ဦးနှစ်ဘက် နာကျင်ရတယ်။
.
တကယ်လို့ နှစ်ဦးနှစ်ဘက်လုံး အတွေး၊ အမြင်သစ်တွေနဲ့ ပြောင်းလဲပြီး တစ်ယောက်ကိုတစ်ယောက် မဆက်ဆံ၊ မပြောဆိုနိုင်ခဲ့ရင် ပြန်လည်ပေါင်းသင်းချိန်မှာ အင်အားသစ်တွေ လျော့နည်းနေလိမ့်မယ်။ လေထဲက ဖယောင်းတိုင်လေးလို မီးငြိမ်းလွယ်ပြီး ပြန်ထွန်းညှိရခက်လိမ့်မယ်။
.
မှန်မှန်ကန်ကန်ရှင်သန်ပြီး ချစ်ခြင်းကို သတ္တိရှိရှိရှာဖွေနေတဲ့ မိန်းကလေးမျိုးက ကောင်းကွက်၊ ဆိုးကွက်နည်းနည်းစီရှိတဲ့ ယောက်ျားမျိုးကို နှစ်သက်တတ်တယ်။ ကိုယ်ရွေးခဲ့တဲ့ယောက်ျားရဲ့ ကောင်းကွက်ထဲကနေ ကိုယ့်ရွေးချယ်မှု မှန်ကန်ခဲ့ကြောင်းကို သိနိုင်ပြီး ဆိုးကွက်ထဲကနေ ကိုယ့်ရဲ့ခွင့်လွှတ်နားလည်တတ်တဲ့စိတ်ကို ဖော်ပြတာဖြစ်တယ်။
.
လေးလေးနက်နက်ချစ်တတ်တဲ့ မိန်းကလေးတစ်ယောက်မှာ ဖျောက်ဖျက်လို့မရတဲ့ စွဲလမ်းမှုတစ်မျိုးရှိတယ်။ တစ်ဘက်သားသစ္စာဖောက်တာကို ဘယ်လိုမှ လက်ခံနားလည်မပေးနိုင်သလို သစ္စာဖောက်ပြီလို့သိတာနဲ့တပြိုင်နက် သူကဦးအောင် လမ်းခွဲလိုက်တယ်။ ဘယ်တော့မှလည်း နောက်ပြန်လှည့်တော့မှာ မဟုတ်ဘူး။
.
အချင်းချင်းချစ်ကြသူတွေက ပွင့်လင်းရမယ်လို့ တစ်ယောက်ကိုတစ်ယောက် တောင်းဆိုတတ်ကြတယ်။ ချစ်သူတွေကြားမှာ "မဖုံးမကွယ်" တဲ့အရာတွေများပေမယ့် ငွေကြေးတွေနဲ့ ပတ်သက်တဲ့သဘောထား၊ စိတ်ကျေနပ်မှု ရှိမရှိဆိုတာကိုတော့ လျှို့ဝှက်ထားတတ်ကြတယ်။
.
ယောက်ျားတွေက မိန်းကလေးတွေရဲ့ တစ်ညတာရူးသွပ်ပျော်ရွှင်မှုကို စုထားတတ်ကြတယ်။ မိန်းကလေးတွေက ယောက်ျားလေးရဲ့တစ်သက်တာအချစ်ကို စုဆောင်းထားတတ်ကြတယ်။
.
အိမ်ထောင်သက်ကြာပြီး အချင်းချင်းချစ်ကြတဲ့ လင်မယားတွေက ငယ်ရွယ်နုပျိုစင်မှာ ချစ်ခဲ့ကြတဲ့ ရိုလာကိုစတာစီးသလိုမျိုး စိတ်လှုပ်ရှားထကြွတဲ့ အချစ်ကို မမေ့တတ်ကြသလို၊ ဘဝခရီးတစ်လျှောက် နှစ်ယောက်အတူ မျှဝေခံစားခဲ့တဲ့ အကောင်းအဆိုးကိုလည်း မမေ့တတ်ကြဘူး။
.
ပျော်ရွှင်ခြင်းမှာ အသံရှိတယ်။ လူတွေနိုးကြားဦးနှောက်ကြည်နေတဲ့အချိန်မှ အဲဒီအသံကို ကြားနိုင်မှာဖြစ်တယ်။ ကျိုးကြောင်းဆင်ခြင်နိုင်တဲ့ဉာဏ် နိုးကြားချိန်မှ တစ်ဘက်သားကို စိတ်ချလက်ချချစ်နိုင်တယ်။ ဒါမှ ပျော်ရွှင်ခြင်းကို အချိန်ကြာကြာ သိုလှောင်ထားနိုင်မှာဖြစ်တယ်။
.
(အင်တာနက်ပေါ်ကဖတ်ရတဲ့  စာတစ်ပုဒ်ကို နားလည်သလို ဆီလျှော်အောင် ဘာသာပြန်ပါတယ်။ ဒီလိုစာမျိုးကို ကျွန်မအတွက် ဘာသာပြန်ရတာ အရမ်းခက်ပါတယ်။ ၂ဝဝ၉ ခုနှစ်က ရေးခဲ့တဲ့ စာလေးတစ်ပုဒ်ပါ.. မျှဝေပါတယ်..)
.
#NineNineSaNay (Sunday, June 28, 2009)
.

Saturday, October 22, 2016

ကျွန်မစိတ်ချမ်းသာအောင် နေထိုင်သည့်နည်းလမ်းများ..

ချစ်နိုင်သမျှ ချစ်သည်…
မချစ်နိုင်သည်များကိုလည်း အလွယ်တစ်ကူကျောခိုင်းထားတတ်သည်..

သည်းခံနိုင်သမျှ သည်းခံသည်
သည်းမခံနိုင်သည့်လူများကို အလွယ်တစ်ကူ စွန့်လွတ်တတ်သည်..

ပေးနိုင်သမျှ ပေးဆပ်သည်..
ပေးသလောက် မလောက်နိုင်သည့် လူများကိုလည်း မမက်မောပဲနေတတ်သည်..

မှန်းနိုင်သလောက်မှန်းသည်..
မှန်းထားတာမရတဲ့အခါ မရတာကြီးကိုတသသမဖြစ်တော့အောင် နေတတ်သည်..

ကိုယ်က အရင်ပြုံးပြသည်..
ကိုယ့်အပြုံးကိုရင်အေးတယ်မထင်သောသူများနဲ့ မျက်နှာချင်းမဆိုင်ဖြစ်အောင် နေသည်..

အချိန်အကြာကြီးသံယောဇဉ်ထားတတ်သည်..
ဘယ်လောက်ကြာကြာမဆက်သွယ်ပဲနေပါစေ ကိုယ့်ကိုပြန်နှုတ်ဆက်လာတဲ့နေ့နွေးထွေးစွာ လက်ကမ်းသည်..

စိတ်သဘောထားမတိုက်ဆ်ိုင်သူဖြစ်နေပါစေ..
ကိုယ့်ကိုမေတ္တာပေးခဲ့တဲ့စက္ကန့်အတွင်းမှာ ထိုသူကိုချစ်ဖို့ကြိုးစားနိုင်သည်…

ဘယ်လောက်ပဲ ခင်မင်ခဲ့ပါစေ..
ကိုယ့်ကိုလုပ်ကြံတဲ့စက္ကန့်အတွင်းမှာ ထိုသူကိုအလွယ်တစ်ကူစွန့်ပစ်ရဲသည်..

အတိုချုပ်ဆိုရင်တော့…
ကိုယ်ကို မလိုလားသူအနားမှာ နေဖို့စိတ်ကူးမရှိသလို..
တာဝန်အရ နေရလျှင်လည်း… စိတ်ထဲမှာတော့ မရှိအောင် ထုတ်ထားလိုက်သည်…

စာရေးသူ.. မေတ္တာစာ..
Credit :စူး***

Sunday, September 18, 2016

အောင်ဆန်းစုကြည်ကပြောသော ဘွဲ့ရတော့ ဘာလုပ်ရမလဲ

မေး
ဖခင်တစ်ဦးတဲ့။
ကျွန်တော့သားကို စာကြိုးစားဖို့ ပြောတိုင်း ဘွဲ့ရတော့ ဘာလုပ်ရမှာလဲတဲ့။
ပြန်မေးနေပါတယ်။ နောက်ပြီးတော့ အခု ချမ်းသာနေတဲ့ လူတွေဟာ
ဘာဘွဲ့တွေ ရတဲ့ လူတွေ များလဲလို့ မေးပါတယ်တဲ့။ (လက်ခုပ်သံများ)
ကျွန်တော် တော်တော်ခက်နေပါတယ်တဲ့။ ဒေါ်စု ရှင်းလင်းမှ ဖြစ်မယ်ဗျို့တဲ့။
(ရယ်လျှက်)

စု
ဘွဲ့ရတော့ ဘာအလုပ်ရမှာလဲဆိုတဲ့ အဖြေက အခု အခြေအနေမှာဆိုရင်တော့
ဘာအလုပ်မှ ရမှာမဟုတ်ဘူးလို့ ဖြေရမှာပဲ။ ဒါပေမဲ့ ဒါကြောင့်မို့လို့ စာ မကြိုးစားဘူး
ဆိုတာတော့ မမှန်ပါဘူး။
အခု ဘွဲ့ရတွေအတွက် အလုပ်ကလည်း မရှိဘူး။ ကျွန်မတို့ ရတဲ့ ဘွဲ့တွေကလည်း
တန်ဖိုးမရှိဘူးဆိုတာ အမှန်ပါပဲ။ ဒါပေမဲ့ ပညာရဲ့ တန်ဖိုးကတော့ အမြဲရှိနေတာပဲ။
ဘွဲ့နဲ့ ပညာနဲ့ မတူပါဘူး။
ဘွဲ့ရတာတော့ ဘွဲ့ရတာပါ။ ပညာရှိတာဟာ ပညာရှိတာပါ။ အဲ့ဒီတော့ စာကြိုးစားပါလို့
ပြောတာဟာ မိဘတွေကလည်း စာကြိုးစားစေချင်တဲ့ အကြောင်းရင်းကို နည်းနည်း
ရှင်းပြဖို့ လိုမယ်လို့ ကျွန်မ ထင်ပါတယ်။ ဒါ ကျွန်မကိုယ်တိုင် ကြားဖူးတာပါ။

တချို့ မိဘတွေ ဟာဆိုလို့ရှိရင် သားသမီးတွေကို စာကြိုးစား၊ စာကြိုးစား၊ စာကြိုးစားမှ
အလုပ် ကောင်းကောင်းရမယ်။ အလုပ် ကော်ငးကောင်း ရမှ ပိုက်ဆံ ကောင်းကောင်း ရမယ် ဆိုပြီးတော့ အဲဒီလို ပြောတာတွေ ကျွန်မတို့ ကြားကြတယ်။ ဒီဟာ ဟာ မှန်ကန်တဲ့နည်းနဲ့ ကလေးတွေကို ပညာ ရှာချင်အောင် လုပ်တာ မဟုတ်ဘူးလို့ ကျွန်မ ယူဆပါတယ်။

ပြီးတော့ ဘာဖြစ်လို့ စာကြိုးစားစေချင်လဲ ဆိုတော့ ဒါ ပညာရစေချင်လို့ပဲ။
နောက်ပြီးတော့ ဝီရိယ မွေးစေချင်လို့ပဲ။ စာကြိုးစားတယ် ဆိုတာ ဒါ ဝီရိယမွေးတာပဲ။
ကိုယ် လုပ်ရမယ့် အလုပ်ကိုဝီရိယရှိရှိနဲ့ လုပ်တတ်အောင်လို့ သင်ပေးတာပေ့ါ။
အဲဒီလို စိတ်ဓါတ်တွေနဲ့ စာကြိုးစားဖို့ မိဘတွေက သင်ပေးပါ။
စာကြိုးစားမှ အလုပ်ရမယ်။
အလုပ်ရမှ ပိုက်ဆံရမယ်။
ဒီလို စိတ်ဓါတ်တွေ ကလေးတွေကို မသွင်းပေးစေချင်ဘူး။

ဒီတော့ ပညာရှာပါ။ ပညာရှိလို့ရှိရင် ဘာအကျိုးရှိလဲလို့ တချို့က မေးတယ်။
ဒီတော့ ပညာရှိလို့ရှိရင် ဘာအကျိုးရှိလဲ ဆိုတာ ကျွန်မလည်း
တစ်ခါတလေ ကလေးတွေက မေးတော့ စဉ်းစားကြည့်ပါတယ်။
ခုနက ပြောတယ်။ ဘွဲ့ရတော့ ဘာအလုပ်ရမှာလဲ။ ဒါတော့ မပြောနိုင်ဘူး။
ဘွဲ့ရတော့ ဘာအလုပ်ရမှာလဲဆိုတာတော့ ကျွန်မ မပြောနိုင်ဘူး။
ဒါပေမဲ့ ပညာရှိများကတော့ ဘယ်လို အကျိုးခံစားနိုင်သလဲ။

ကျွန်မ လောကီကိစ္စတွေ ပြောနေတာပေ့ါနော်။ လောကုတ္တရာကိစ္စကိုတော့
ရဟန်းသံဃာများက ပြောရမှာပါ။ ပညာရှိလို့ရှိရင် ဘယ်လို အကျိုးခံစားရမလဲဆိုတော့
ပညာရှိခြင်းအားဖြင့် အလုပ်ကောင်းကောင်း ရရင်လည်း ရမယ်။
မရရင်လည်း မရဘူး။ ပညာရှိခြင်းအားဖြင့် ဒုက္ခဆင်းရဲ တွေ့ရင်လည်း တွေ့မယ်။
မတွေ့ရင်လည်း မတွေ့ဘူး။ ဒါတော့ ကျွန်မတို့ မပြောနိုင်ဘူး။
အနိစ္စတရားကို ကျွန်မတို့ ဘယ်လိုမှ မလွန်ဆန်နိုင်ဘူး။
လောကဓံတရားရှစ်ပါးကို ကျွန်မတို့ ဘယ်လိုမှ မကျော်လွှားနိုင်ဘူး။

ဆင်းရဲတဲ့အခါ ဆင်းရဲမယ်။ ချမ်းသာတဲ့အခါ ချမ်းသာမယ်။
ဒါပေမဲ့ ပညာရှိတဲ့ လူဟာ ဆင်းရဲဒဏ်ရော၊ ချမ်းသာတဲ့ ဒဏ်ရော
နှစ်ခုစလုံးကို ကြံ့ကြံ့ခံနိုင်တယ်။ ဒါကြောင့်မို့ ပညာကို ရှာပါလို့ ပြောတာပါ။
ဆင်းရဲဒဏ် ခံနိုင်တယ်လို့ ပြောတာဟာ ပညာရှိများဟာ ဆင်းရဲနေသည်ဖြစ်စေ၊
ထောင်ထဲမှာ ရောက်နေသည် ဖြစ်စေ
ကြံ့ကြံ့ခံနိုင်တယ်။ ဘာဖြစ်လို့လဲ တရားရှိတယ်။
(လက်ခုပ်သံများ)

ဘယ်လို ဒုက္ခပဲ ဖြစ်ဖြစ် ခံနိုင်တာဟာ ပညာရှိများရဲ့ အရည်အချင်းပဲ။
နောက်ပြီးတော့ ချမ်းသာဒဏ် ခံနိုင်တယ်။ ချမ်းသာဒဏ် ခံနိုင်တယ်ဆိုတာက
ဘာကို ပြောတာလဲ ဆိုတော့ လာဘ်ပေး လာဘ်ယူကို လုပ်ချင်တဲ့ စိတ်မရှိဘူး။
ပညာရှိဆိုရင်၊ တကယ့်ပညာရှိဆိုရင် ကိုယ်အခွင့်အရေး ရလာတဲ့အခါကျရင်
ဒီအခွင့်အရေးကို အလွဲသုံးစားမလုပ်ချင်ဘူး။
အဲဒါဟာ ချမ်းသာဒဏ် ခံနိုင်တယ် ဆိုတာကို ပြောတာပါ။

တချို့ဟာ ဆင်းရဲဒဏ်ခံနိုင်ပါတယ်။ ဘယ်လိုပဲ ဖိနှိပ် ဖိနှိပ် ခံနိုင်တယ်။
ဘယ်လိုပဲ ရိုက်ရိုက် ဆော်ဆော် ခြိမ်းခြောက် ခြိမ်းခြောက် ခံနိုင်တယ်။ မဖြုံဘူး။
ဒါပေမဲ့ ပစ္စည်းနဲ့၊ ပိုက်ဆံနဲ့၊ ရာထူးလေးနဲ့ နေရာလေး မျှားလိုက်တဲ့ အခါကျတော့
ပါသွားရော။

အဲဒါဟာ ချမ်းသာဒဏ် မခံနိုင်ဘူး ဆိုတာ ကျွန်မ ဒါကို ပြောတာပါ။
တချို့ကျတော့လည်း ဒါ ကျွန်မပွင့်ပွင့်လင်းလင်း ပြောတာနော်။
ကျွန်မတို့ ဒီမိုကရေစီ ရရော၊ ရလို့ရှိရင် ဒုက္ခခံတုန်းကတော့ ရဲရဲကြီး ရဲရဲဝံ့ဝံ့
ဒုက္ခခံပြီးတော့ ရာထူးနဲ့၊ နေရာနဲ့ ရသွားမှ အကျင့်စာရိတ္တပျက်သွားမယ့် လူတွေ ရှိမှာပဲ။

အဲဒါလည်း ချမ်းသာဒဏ် မခံနိုင်တာပဲ။ အဲ့ဒါကြေင့် ကျွန်မတို့ဟာ
ဆင်းရဲဒဏ် ခံနိုင်အောင် ပညာရှာရမယ်။ ပညာ နားလည်တဲ့လူ၊ ပညာရှိတဲ့လူ၊
ပညာလိုလားတဲ့လူ ဆိုတာက ဆင်းရဲဒဏ် ခံနိုင်တယ်။
သြော်… ဒါ ဆင်းရဲဒဏ်ခံတယ်ဆိုတာ အနိစ္စသဘောပဲ။
ငါ ဆင်းရဲလို့၊ ငါ့ ဖိနှိပ်လို့၊ ငါ့ကို ပင်ပန်းအောင် လုပ်လို့ ငါ မလုပ်သင့်၊
မလုပ်ထိုိက်တာကို လုပ်လို့ရှိရင် ငါ့အတွက်အများကြီး အကျိုးနည်းမယ် ဆိုတာ
သူ့ရဲ့ ပညာဥာဏ်အရ နားလည်တယ်။ ဒီလိုပဲ ချမ်းသာသွားတဲ့ အခါ
ငါ ချမ်းသာလို့ ငါ လုပ်ချင်တိုင်း လုပ်မယ်ဆိုရင် ငါ့အတွက် အကျိုးနည်းမယ်။
ငါ့ရဲ့အသိုင်းအဝိုင်းအတွက်လည်း အကျိုးနည်းမယ် ဆိုတာ သိတဲ့အတွက် မလုပ်ဘူး။

အဲဒါကြောင့်မို့လို့ ကလေးတွေကို စာကြိုးစားပါလို့ ပြောတဲ့ အခါ ကျလို့ရှိရင်
ဘွဲ့ရတော့ ဘာအလုပ်ရမှာလဲလို့ ပြန်မေးတဲ့အခါ ဘွဲ့ရဖို့၊ မရဖို့ ပြောနေတာ မဟုတ်ဘူး။ ဘွဲ့ရပြီးတဲ့ အခါကျရင် အလုပ်ရမယ်၊ မရမယ်ပြောနေတာ မဟုတ်ဘူး။
ပညာရှိခြင်းအားဖြင့် ဒီဘဝမှာရော၊ နောင်ဘဝတွေရော ကိုယ် နေထိုင်ရမယ့်
ကိစ္စမှန်သမျှကို မှန်မှန်ကန်ကန် ရင်ဆိုင်နိုင်ဖို့ ပညာရှာပါလို့ ပြောတာလို့
တိုက်တွန်းစေချင်ပါတယ်။

အဲဒီလို ကိစ္စနဲ့ ပညာရှာမယ် ဆိုရင်တော့ ကျွန်မတို့နိုင်ငံဟာ တခြားနိုင်ငံတွေနဲ့
မတူအောင်လို့ကို တိုးတက်နိုင်တယ်လို့ ကျွန်မတို့ ယုံကြည်ပါတယ်။
အခု ချမ်းသာနေတဲ့ လူတွေဟာ ဘာဘွဲ့တွေရလို့ ချမ်းသာနေတာလဲ မေးတော့၊
အခု ချမ်းသာနေတဲ့ လူတွေကို ပြည်သူလူထုက ဘယ်လိုမြင်သလဲဆိုတာ
ကျွန်မ ပြန်ပြီးတော့ မေးလိုက်ချင်တယ်။ ပြည်သူလူထုက အခု ချမ်းသာနေတဲ့
လူတွေကို အထင်ကြီးသလား၊ ပိုက်ဆံကိုပဲ အထင်ကြီးသလား၊
သူတို့ကိုပဲ အထင်ကြီးတာလား၊ အဲ့ဒါ ခွဲခြားပြီးသိဖို့လိုပါတယ်။

အဲဒီတော့ အခု ချမ်းသာနေပြီးတော့ သူတော်ကောင်းများ၊ ပညာရှိများက မလေးစားဘူး၊
အထင်မကြီးဘူး၊ ရှုတ်ချမယ်ဆိုလို့ရှိရင် ချမ်းသာရကျိုး လုံးလုံး မနပ်ပါဘူး။
ပိုက်ဆံကိုပဲ ကြည့်နေလို့ မဖြစ်သေးဘူး။

ပိုက်ဆံရရင် ပြီးရော ဘာလုပ်ရ လုပ်ရ လုပ်မယ်ဆိုတဲ့ စိတ်ဓါတ်ဟာ လူမိုက်စိတ်ဓါတ်ပါ။
ပညာရှိစိတ်ဓါတ် မဟုတ်ပါဘူး။ (လက်ခုပ်သံများ)

ဒါကြောင့် ကလေးတွေကို ပိုက်ဆံရှိတဲ့ လူတွေကို အားမကျဖို့ သင်ပေးပါ။
ဒီလူတွေ ပိုက်ဆံရှိတာတော့ ဟုတ်ပါပြီ။
ပိုက်ဆံအပြင် ဘာရှိလဲလို့ အဲဒါလည်း မေးရဦးမယ်။

ဂုဏ်သိက္ခာ ရှိသလား၊
အကျင့်စာရိတ္တ ကောင်းသလား၊
ပညာရှိသလား
ဒါဟာ ကျွန်မ အနေနဲ့ ကျွန်မတို့နိုင်ငံမှာတင် မဟုတ်ပါဘူး။
တခြားနိုင်ငံတွေမှာလည်း ဒီလိုပဲ ဖြစ်နေတယ်။ လူငယ်များဟာ ပိုက်ဆံရရင် ပြီးရော၊
ဘာဖြစ်ဖြစ် လုပ်ချင်တယ် ဆိုတဲ့ စိတ်ဓါတ်တွေ ဖြစ်နေတယ် ဆိုတာ
ဒီမနက်ပဲ နိုင်ငံခြား မဂ္ဂဇင်းတစ်ခုမှ ကျွန်မ ဖတ်လိုက်ရတယ်။

အဲဒီဟာ လူငယ်များဆိုတာ ၁၅ နှစ်၊ ၁၆နှစ် ဆယ်ကျော်သက်အရွယ်တွေဟာ
ပိုက်ဆံရရင် ပြီးရော၊ ဘာလုပ်ရ လုပ်ရ ဆိုတဲ့ စိတ်ဓါတ်တွေ ပေါ်နေတာကြောင့်
ရာဇဝတ်မှုတွေ များနေတယ်ဆိုပြီးတော့ အိန္ဒိယနိုင်ငံက အမျိုးသမီးကြီးတစ်ယောက်က
ဒီလိုပဲ ပြောတာ ဖတ်လိုက်ရပါတယ်။ ဒီတော့ ဒါ ကျွန်မတို့နိုင်ငံမှာတင် မဟုတ်ပါဘူး။

နိုင်ငံတကာမှာ ဒီပြဿဿဿ နာ တွေ ကို ရင်ဆိုင်နေရပါတယ်။
ပိုက်ဆံမှ ပိုက်ဆံ ဆိုတဲ့ စိတ်ဓါတ်တွေ၊ အဲဒီစိတ်ဓါတ်တွေဟာ
ကျွန်မတို့ နေ့ချင်း ညချင်းတော့ ပြောင်းလို့ရမှာ မဟုတ်ပါဘူး။

ဒါပေမဲ့လည်း ပိုက်ဆံ မရှိသော်လည်း ပစ္စည်း မရှိသော်လည်း
ပညာရှိလို့ ရှိရင် အကျင့်စာရိတ္တ၊ သိက္ခာရှိရင် လူရာဝင်တယ် ဆိုတဲ့ အနေအထား
ဖြစ်အောင်လို့ ကျွန်မတို့အားလုံး ဝိုင်းပြီးတော့ ကြိုးစားရမှာ ဖြစ်ပါတယ်။

မူရင်း။   ။မသိ