ဂိမ်းမှာ ငွေသုံးစရာ နေရာ များလား?

ဂိမ်းမှာ ငွေသုံးစရာ နေရာ များလား?

ဦးဆုံး ပြောလိုတာက Final Fantasy XIV သည် Pay-To-Win လုံးဝမဟုတ်ပါ။ Final Fantasy XIV ဆော့မည်ဆိုပါက ဂိမ်းရယ်၊ လစဥ်ကြေးရယ် ဒီ ၂ ခုသာ ငွေသုံးစရာ ရှိပါတယ်။ ဂိမ်းထဲမှာ သင့်ကို 100% အပြည့်ပေးထားပါတယ်။ Final Fantasy 14 Online Store (အရင်ကတော့ Mog Station) မှာ ရောင်းနေတာတွေသည် မဝယ်လည်း ရသည့်၊ သင့်စိတ်သာ ထိန်းနိုင်မယ်ဆိုရင် သင်မဝယ်ရလည်း နေနိုင်တဲ့ ပစ္စည်းများ ဖြစ်တယ်။ Final Fantasy 14 Online Store က ပစ္စည်းများဟာ လုံးဝ မရှိမဖြစ် ပစ္စည်းများ မဟုတ်ပါဘူး။

 
တကယ်တော့ Final Fantasy 14 Online Store မှာ ရောင်းနေတာတွေရဲ့ 80% သည် Glamour အတွက် အင်္ကျီ ဘောင်းဘီ ဂါဝန် ဦးထုပ် ဖိနပ် စတာတွေ နှင့် Mount က အများဆုံး ဖြစ်ပါတယ်။ ပြီးတော့ ဒီ item တွေရဲ့ 50% ဟာ အရင်က ကျင်းပပေးခဲ့တဲ့ Event တွေက item တွေပဲ ဖြစ်ပါတယ်။ Final Fantasy XIV မှာ ရာသီအလိုက် Event လေးတွေ ကျင်းပပေးလေ့ရှိပြီး ကျင်းပပြီးတဲ့ Event က item တွေကို Event ပြီးတာနှင့် Mog Station ပေါ် တင်ရောင်းပါတယ်။ Event item လိုချင်ပေမဲ့ အကြောင်းအမျိုးမျိုးကြောင့် Event ကိုမမီလိုက်တဲ့သူတွေဟာ ထို Event item တွေကို Final Fantasy 14 Online Store မှာ $ နှင့် ရောင်းတဲ့ အချိန်ကျရင် ဝယ်ကြလေ့ရှိပါတယ်။ ကျန်တဲ့ 50% သော Glamour၊ လက်နက်၊ Mount တွေက Final Fantasy 14 Online Store ကနေပဲ ရနိုင်တဲ့ Exclusive item တွေပါ။

 
Final Fantasy 14 Online Store မှာ ရောင်းနေတာတွေရဲ့ 80% အကြောင်း ပြီးသွားပြီ။ အဲ့က ကျန်နေတဲ့ 20% ကတော့ Armor တွေကို အရောင်ချယ်တဲ့ ဆေးပုံးတွေ၊ Emote တွေ၊ Housing item တွေ၊ ဂိမ်းထဲမှာ နားထောင်လို့ရတဲ့ Soundtrack စာလိပ် စတာတွေပါ။ ဒီထဲ နည်းနည်း ငွေသုံးချင်စရာ ကောင်းတဲ့ item တွေက Story skip item ၊ Level boost item၊ Character race ပြောင်းပေးတဲ့ Fantasia စတဲ့ item တွေပါပဲ။
နောက်ထပ်ရှိသေးတဲ့ ငွေသုံးရမဲ့ နေရာတွေက ကိုယ့် Character name ပြောင်းချင်တဲ့ အချိန်၊ ကိုယ့် Character ကို World တခုကနေ တခုကို ပြောင်းချင် ရွှေ့ချင်တဲ့ (world transfer) အချိန်၊ Retainer ထပ်ခေါ်ချင်တဲ့အချိန် တွေပါပဲ။

 
ဂိမ်းထဲမှာကိုက အမျိုးအစား စုံစုံလင်လင် ရှိနေတဲ့အတွက် ဘာမှကို ထပ်မလိုလောက်အောင် ဆော့လို့ကောင်းနေပါပြီ။ ဂိမ်းနှင့် လစဥ်ကြေး နဲ့တင် Gameplay experience အပြည့်အဝ ရပါတယ်။ ကျနော်တော့ $ နဲ့ဝယ်တဲ့ Mount အစား High end savage raid mount တွေကို ပိုသဘောကျပါတယ်။

 
Final Fantasy XIV Online Store - https://store.finalfantasyxiv.com/ffxivstore/en-gb/