တရုတ်နဲ့ ဂျပန်တွေ စိတ်ဝင်စားနေတဲ့ သဲများအကြောင်း သိထားသင့်သမျှ။

ဒီတလော သတင်းမှာ တွေ့နေရတာက ရခိုင်ပြည်နယ်က အနက်ရောင် သဲများကို တရုတ်ပြည်က စိတ်ဝင်ပြီး လာရောက် စမ်းသပ်မှု တွေ ပြုလုပ်နေတယ် ဆိုတာပါပဲ။ မြန်မာပြည်သူ အများစုကတော့ အဲဒီ အနက်ရောင်သဲတွေက ဘာလဲ၊ ဘယ်မှာ သွားသုံးမှာလဲ၊ ဘာတန်ဖိုးရှိလဲ ဆိုတာ သိကြအုံးမယ်လို့ မထင်ပါ။ စာရေးသူ ကိုယ်တိုင်လည်း အဲဒီ သဲတွေကို မမြင်ဘူး အကြောင်းလဲမသိပါ။ အရေးကြီးတယ် သိထားသင့်တယ် ယူဆလို့ ရှာဖွေမိသလောက်ကို ဝေမျှပေးလိုက်ပါတယ်။ တစ်ခုတော့ ကြိုတင်စကားခံ ပါရစေ။ စာရေးသူက အဲဒီ အနက်ရောင်သဲ တွေဟာ rare earth နဲ့ ဆက်စပ်နေတယ်၊ အဲဒီထဲမှာ rare earth ပါဝင်မယ်လို့ ယူဆပါတယ်။

ဖတ်မိရတဲ့သတင်း အချက်အလက် အတိုင်းအတာကြောင့် အတိအကျ rare earth ဟုတ်မဟုတ် မသေချာပေမဲ့လည်း စာဖတ် သူများ အနေနဲ့ ဗဟုသုတတခု ရသွားမှာတော့ ယုံကြည်ပါတယ်။ အဆိုပါ အနက်ရောင်သဲများ က အင်္ဂလိပ်လိုတော့ rare earth လို့ ခေါ်ပါတယ်။ တိုက်ရိုက်ပြန်ရင် ရှားပါးတဲ့မြေ ပေါ့၊ ဒါပေမဲ့ အဲဒီပစ္စည်းက ရှားလည်းမရှားပါး မြေကြီးလည်း မဟုတ်ပါဘူး။ rare earth ဆိုတာက ဒြပ်စင်ပေါင်း ၁၇ မျိုး ပါဝင်တဲ့ သတ္တုဒြပ် အမျိုးအစားတွေကို ခေါ်ပါတယ်။ အဲဒါတွေက scandium (Sc-21), yttrium (Y-39), lanthanum (La-57), cerium (Ce-58), praseodymium (Pr-59), neodymium (Nd-60), promethium (Pm-61), samarium (Sm-62), europium (Eu-63), gadolinium (Gd-64), terbium (Tb-65), dysprosium (Dy-66), holmium (Ho-67), erbium (Er-68), thulium (Tm-69), ytterbium (Yb-70), and luteium (Lu-71) တို့ ဖြစ်ပါတယ်။ အဲဒီ သတ္တုတွေကို တချို့က the silent heroes of modern technolog လို့ တင်စားကြပါတယ်။

Rare earth ဟာ မရှားပါးပေမဲ့ အဲဒီ ဒြပ်စင်သတ္တုတွေက တမျိုးတည်းသီးခြား တွေ့ရဖို့ မဖြစ်နိုင်ပါဘူး။ ဆိုတော့ တူးဖော်ရတဲ့ မြေကြီး သို့မဟုတ် အနက်ရောင်သဲများမှာ အထက်ပါ သတ္တုတွေ ရောနှောပါဝင်နေမှာ ဖြစ်ပြီး ပါဝင်တဲ့ သတ္တုတစ်ခုစီရဲ့ အချိုး အစားရာခိုင်နှုန်း မတူညီဘဲ ရှိတတ်ပါတယ်။ မရှားပါးပေမဲ့ အဲဒီရောစပ်နေတဲ့ rare earth ထဲမှာ ပါဝင်နေတဲ့ ဒြပ်သတ္တု တစ်ခုချင်းကို သန့်စင်ခွဲထုတ်ဖို့က အန္တရာယ်များ၊ ခက်ခဲလွန်းပြီး စီးပွားဖြစ်ပမာဏရဖို့ မလွယ်ကူဖူးလို့ သိရပါတယ်။ ကျနော်တို့ နေ့စဉ်ထိတွေ့ သုံးစွဲနေတဲ့ အရာများစွာမှာ rare earth သတ္တုတမျိုးမျိုး သေချာပေါက် ပါဝင်နေပါတယ်။ တီဗီ၊ ကွန်ပြူတာ၊ ရေနံတူးစက်၊ သေးငယ်တဲ့ အီလက်ထရွန်းနက် အစိတ်အပိုင်းများ၊ မော်တော်ကား၊ Hybrid ကား၊ အလင်းဖန်မျှင်ကြိုး၊ စစ်လက်နက် ကိရိယာများ၊ နုကလီယား ဓာတ်ပေါင်းဖို နဲ့ အာကာသယာဉ် ကိုယ်ထည်တွေမှာ အဲဒီသတ္တု တမျိုးမဟုတ်တမျိုး ထည့်သွင်း အသုံးပြုထားပါတယ်။

ဥပမာပြရရင် Neodyumium သတ္တုကို သေးငယ်တဲ့ အီလက်ထရွန်းနှစ် အစိတ်အပိုင်း ဖြစ်တဲ့ ကွန်ပြူတာ hard disk, နားကျပ်၊ စပီကာ၊ တာဘိုင်၊ ရေနံတူးဖော်တဲ့ လွန်ပူ နဲ့ သံလိုက်ဓာတ် သုံးရတဲ့ နေရာတိုင်းလိုလိုမှာ ထည့်သုံးထားပါတယ်။ Neodyumium ကို သေးငယ်ပေါ့ပါးပြီး အလွန်မာကျောတဲ့ ကိရိယာအစိတ်အပိုင်းတွေမှာ အဓိက သုံးရပါတယ်။ Erbium သတ္တုကို နေကာမျက်မှန်၊ အလှဆင်ပန်းအိုး၊ လေဆာခွဲစိပ်မှု နဲ့ သတင်းအချက်အလက် လျင်မြန်စွာစီးဆင်းစေတဲ့ အလင်းဖန်မျှင်ကြိုးတွေမှာ မရှိမဖြစ် သုံးရပါတယ်။ Europium သတ္တုကို တီဗီဖန်သားပြင်၊ LED မီးလုံး တွေ နဲ့ နူကလီးယား ဓာတ်ပေါင်းဖို မှာ အသုံးပြုပါတယ်။ Hybrid ကား (ဆီနဲ့ ဘက်ထရီ နှစ်မျိုးသုံး) မောင်းနေတဲ့ ကားပိုင်ရှင်တွေကိုယ်တိုင် rare earth ကို သူတို့နေ့စဉ် သုံးနေရတယ်ဆိုတာ မသိကြပါဘူး။ တိုယိုတာ Prius Hybrid ကားတိုင်းမှာ Lanthanum ၁၀ ပေါင် ထည့်သုံးထားပါတယ်။ ဟိုင်းဘရစ်ကားမှာပါတဲ့ ဘက်ထရီအမျိုးအစား "nickel-metal hydride" က Lanthanum သတ္တုကို သုံးထားတာပါ။ "ကမ္ဘာ့အကြီးဆုံး ဖြစ်တဲ့ တိုယို တာကားရဲ့ ထုတ်လုပ်မှုနှုန်းမှာ Prius ဟိုင်းဘရစ်ကား က ၈ ရာခိုင်နှုန်း ရှိပါတယ်။ အဲဒါနဲ့ အခြား ဟိုင်းဘရစ်ကားတွေရယ်၊တရုတ်ပြည်မှာ သုံးနေတဲ့ ဘက်ထရီကားငယ်လေးတွေ အားလုံးပေါင်းလိုက်ရင် လိုအပ်မယ့် Lanthanum က ဈေးကွက်မှာ လုံလောက်စွာမရှိပါဘူး" လို့ rare earth ကျွမ်းကျင်ပညာရှင် Jack Lifton က ဆိုပါတယ်။

ဒါ့အပြင် တိုယိုတာကားကုမ္ပဏီ က lanthanum တူးဖော်ထုတ်လုပ်ရေးမှာ ရင်းနှီးမြုပ်နှံနေတဲ့ တစ်ခုတည်းသော ကားကုမ္ပဏီဖြစ်ကြောင်းလည်း သိရပါတယ်။ အချက်အလက်များအရ ကမ္ဘာပေါ်မှာ တရုတ်ပြည် က rare earth ပမာဏ အများဆုံး ပိုင်ဆိုင်ထားပြီး ပြည်တွင်း စက်မှု လုပ်ငန်း များမှာ အသုံးပြုဖို့ လုံလောက်အောင်ဆိုပြီး ၂၀၁၀ ခုနှစ်မှာ ပြည်ပသို့ တင်ပို့ရောင်းချမှုကို ကန့်သတ်လိုက်ပါတယ်။ အဲဒီ သတင်း ကြောင့် rare earth ဈေးနှုံးများ ခုန်တက်သွားခဲ့ပါတယ်။ rare earth ရဲ့ ဈေးနှုန်းကတော့ ဈေးကွက်မှာရှိတဲ့ ပမာဏ နဲ့ ၀ယ်လို အားပေါ် မူတည်ပြီး ပြောင်းလဲနေတတ်ပါတယ်။ ဒီဇင်ဘာလ ၂၀ ရက်၊ ၂၀၁၂ ခုနှစ် HEFA ရဲ့ ဈေးနှုန်းအရ ၁ ကီလိုဂရမ် ဈေးကို ဖော်ပြထားပါတယ်။ Scandium metal - အမေရိကန် ဒေါ်လာ ၁၅၀၀၀ (၁ ကီလိုဈေး)၊ Terbium metal - ၂၅၀၀၊ Neodymium metal - ၁၁၅၊ Lanthanum metal - ၂၈၊ Europium Oxide - ၂၁၅၀၊ Dysprosium Oxide - ၉၇၅၊ Erbium metal - ၂၇၅၊ Cerium metal - ၂၅ ဒေါ်လာ ....။

မြန်မာပြည်က အဖိုးတန်ကြွယ်ဝတဲ့ သံယံဇာတတွေကို ပြည်သူတွေ မသိရှိရဘဲ ပြင်ပတိုင်းပြည်တွေက ပေါချောင်ကောင်းနဲ့ တိတ်ဆိတ်စွာ သယ်ထုတ်သွားခဲ့တာ တိုင်းပြည်အတွက် ပြည်သူတွေအတွက် အလွန်နှစ်နာလှပါတယ်။ မိမိတိုင်းပြည်က ငွေကြေး အရ နည်းပညာအရ ကိုယ်တိုင် တူးဖော်ထုတ်လုပ်နိုင်ခြင်း မရှိလို့ နိုင်ငံခြား ရင်းနှီးမြုပ်နှံသူများ ကို ဖိတ်ခေါ်ရတယ် ဆိုရင်လည်း ပြည်သူတွေရဲ့ အကျိုးစီးပွားကို ပထမဦးစားပေး ထည့်သွင်းစဉ်းစား ရပါမယ်။ သတ္တုသွင်း တူးဖော်ခွင့်ပြုမယ့် နေရာဒေသတ၀ိုက်ရဲ့ သဘာဝပတ်ဝန်းကျင် အကျိုးသက်ရောက်မှု၊ နေထိုင်ကြတဲ့ ပြည်သူလူထုများ ရဲ့ ကျန်းမာရေး အကျိုးသက်ရောက်မှု၊ ဘေးထွက် စွန့်ပစ်ပစ္စည်းများ စီမံထိန်းသိမ်းမှု စတာတွေကို ဦးစွာ စမ်းသပ်လေ့လာရပါမယ်။

ထို့အပြင် တူးဖော်မယ့် နေရာဒေသတ၀ိုက်မှာ နေထိုင်ကြတဲ့ ပြည်သူတွေနဲ့ တွေ့ဆုံဆွေးနွေးပြီး သူတို့ရဲ့သဘောထင်မြင်ချက်ကို ထည့်သွင်းစဉ်းစား ရပါမယ်။ နောက်ဆုံးမှ ခွင့်ပြုချက်ပေးသင့် မပေးသင့်ကို ဆုံးဖြတ်ရပါမယ်။ ဒါကြောင့် နိုင်ငံခြားမှလာရောက် ရင်းနှီးမြုပ်နှံသူတွေကို ကြေးနီ၊ ရွှေ၊ ရေနံ၊ ဂက်စ် စတဲ့ သတ္တုတွင်းများမှာ တူးဖော်ခွင့် ပေးထားပေမယ့် အချောင်ရောပါသွားနိုင်တဲ့ (တနည်း) ခိုးထုတ်သွားမယ့် အဆိုပါ အနက်ရောင်သဲ ခေါ် rare earth အကြောင်းကို မြန်မာပြည်သူတွေ ဂရုစိုက် သိထားသင့်ကြောင်း ရေးသားလိုက်ပါတယ်။

မောင်ကံချွန်။

Credit: KDN

====================

Periodic Table မှာတော့ Rare Earth Elements တွေကတော့ Lanthanoids နဲ့ Actinoids series ထဲမှာပဲပါဝင်ပြီး သူတို့တွေကို သဘာဝမှာတော့ ကမ္ဘာ့အပေါ်ယံလွှာမှာ မြောက်များစွာ တွေ့ရှိနိုင်ပေမယ့်လည်း အခြားသော ဒြပ်စင်တွေလည်း ပေါင်းစပ်ပါဝင်နေတာမို့ ဆန်းသက်တစ်နည်းအရ ခွဲထုတ်နိုင်မှသာ အဆင်ပြေပါတယ် ... Rare Earth Elements ကိုတော့ မြန်မာလို မြန်မာမှုပြုရင် ရှားပါးတဲ့မြေအစား 'မြေရှားဒြပ်စင်" ဆို အဆင်ပြေလွယ်ကူမှာပါ ... အထက်ကပြောသလို ... သဘာဝမှာတော့ အရောအနှောများစွာအနေနဲ့ပါဝင်နေတာမို့ သီးသန့်ခွဲထုတ်မှသာလျှင် ... အနည်းငယ်လောက်ရရှိလာနိုင်တာမို့ ( ဥပမာ = ယူရေနီယမ်) မြေရှားလို့ အမည်မှည့်ခေါ်ရခြင်းပါပဲ။ ဒါနဲ့ ပတ်သတ်ပြီး အနည်းအကျဉ်းကို ... muctr.com ကနေ အနည်းငယ် ဖော်ပြပေးလိုက်ပါတယ် ....

Rare Earth Elements

ဒြပ်စင်အလှည့်ကျဇယား (Periodic Table) ရှိ မြေရှားဒြပ်စင်များ (Rare Earth Elements) အုပ်စုတွင် လန်သန်နမ်နှင့် ဆင်တူသော ဒြပ်စင်များ (Lanthanides) အုပ်စုမှ ဒြပ်စင် ၁၅ ခုအပြင် စကန်ဒီယမ် Sc (Scandium) နှင့် အီထရီယမ် Y (Yttrium) စုစုပေါင်း ဒြပ်စင် ၁၇ ခု ပါရှိသည်။ စကန်ဒီယမ် Sc (Scandium) နှင့် အီထရီယမ် Y (Yttrium) တို့သည် လန်သန်နမ်နှင့် ဆင်တူသော ဒြပ်စင်များ (Lanthanides) အရိုင်းတုံးများတွင် တွဲဖက်၍ ပါဝင်နေတတ်ပြီး ဓာတ်ဂုဏ်သတ္တိများသည်လည်း ဆင်တူမှုရှိနေသောကြောင့် ၎င်း ဒြပ်စင် ၂ ခုကိုလည်း မြေရှားဒြပ်စင်များ (Rare Earth Elements) အုပ်စုတွင် ထည့်သွင်းထားခြင်းဖြစ်သည်။ မြေရှား ဒြပ်စင်များ အားလုံးကို ဒြပ်စင်အလှည့်ကျဇယား (Periodic Table)၏ ဒေါင်လိုက် အစု အမှတ်စဉ်-၃ အောက်ရှိ အလျားလိုက် အုပ်စု အမှတ်စဉ် ၆ တွင် ပါဝင်ပါသည်။

၎င်းတို့ မြေရှားဒြပ်စင်များဟု ခေါ်ဝေါ်သုံးစွဲထားသော်လည်း ရေဒီယိုသတ္တိကြွ ပရိုမက်တေနီယမ် Pm (Promethium) မှလွဲ၍ အခြားသော မြေရှားဒြပ်စင်များသည် ကမ္ဘာ့အပေါ်ယံလွှာတွင် မြောက်များစွာ တည်ရှိနေသည်။ ၎င်းတို့ထဲတွင် ဆယ်ရီယမ် Ce (Cerium) သည် ၂၅ ခုမြှောက် အပေါများဆုံးဖြစ်ပြီး ကြေးနီ Cu (Copper) ကဲ့သို့ပင် အပုံတစ်သန်းလျှင် ၆၈ပုံ (68 ppm) တည်ရှိနေသည်။ သို့သော်လည်း မြေရှားဒြပ်စင်များသည် ဒြပ်စင် ဒြပ်စင် အမျိုးအစား မြောက်များစွာပါဝင်လျှက် ပမာဏ အနည်းငယ်စီဖြင့်သာ ပျံ့နှံ့စွာ တွေ့ရှိရသည်။ ပထမဆုံး တွေ့ရှိခဲ့သည့် သတ္တုရိုင်းတုံးဖြစ်သည့် ဂါဒိုလင်နိုက် (Gadolinite) တွင် ဆယ်ရီယမ် Ce၊ အီထရီယမ် Y၊ သံ Fe၊ ဆီလီကွန် Si နှင့် အခြားသော ဒြပ်စင်များ ပါဝင်နေသည်။ ၎င်းသတ္တုရိုင်းတုံးကို ဆီဒင်နိုင်ငံ (Sweden) အီတာဘိုင်ရွာ (Ytterby Village) ရှိ သတ္တုတွင်းမှ ထုတ်ဖော်ရရှိခဲ့သည်။ မြောက်များစွာသော မြေရှားသတ္တု ဒြပ်စင်များ၏ အမည်များကို ၎င်းတို့ စတင်တွေ့ရှိခဲ့ရာ နေရာဒေသကို အစွဲပြု၍ ခေါ်ဝေါ်သုံးစွဲထားသည်။ တရုတ်နိုင်ငံသည် မြေရှားဒြပ်စင်များကို ကမ္ဘာပေါ်တွင် အများဆုံး ထုတ်ယူသောနိုင်ငံဖြစ်သည်။ တရုတ်နိုင်ငံသည် တစ်ကမ္ဘာလုံးတွင် တည်ရှိနေသော မြေရှားဒြပ်စင် ပမာဏ၏ ၃၇% သာပိုင်ဆိုင်ထားသော်လည်း ၎င်းထုတ်ယူမှု ပမာဏမှာ တစ်ကမ္ဘာလုံး အတိုင်းအတာဖြင့် လိုအပ်ချက်၏ ၉၇% ကျော် ထိ ထုတ်ယူသုံးစွဲလျက်ရှိသည်။ တရုတ်နိုင်ငံပြီးလျှင် ထုတ်ယူမှု များသော နိုင်ငံများမှာ ဘရာဇီး၊ မလေးရှား နှင့် အိန္ဒိယနိုင်ငံတို့ဖြစ်သည်။ ရုရှား၊ ကာဇက်စတန်၊ ကာဂျစ်စတန် နှင့် ထိုင်းနိုင်ငံတို့တွင်လည်း ၎င်းဒြပ်စင်များကို ထုတ်ဖော်လျှက်ရှိကြသည်။ ၎င်းဒြပ်စင်များ သန့်စင်ရန် အချို့သော လုပ်ငန်းစဉ်များကို အမေရိကန်၊ ဂျပန်၊ တရုတ် နှင့် ဥရောပနေရာအတော်များ တို့တွင် လုပ်ဆောင်ကြသည်။